Ekemo molwenyonauko lounyuni
Ounongoimbilo waDavid; wa pewa enyakwa lolwiimbo, oku u imba mondaka yoluhodi.
1 Elai tali popi momutima walo, tali ti:
“Kape na Kalunga.”
Oilonga yalo oififahoni, ya nyonauka;
kape na nande umwe ou ta longo ouwa.
2 Kalunga meulu ota vandamene poshi,
ta tale oludalo lovanhu,
a mone, ngeenge pe na omunandunge,
ou ta kongo Kalunga.
3 Ndelenee aveshe ova kanduka mo,
aveshe va kaula onyanga; inapa monika vali ou,
ta longo sha yuka, nande oumwe.
4 Ovanawii vehe na eendunge nande mbela?
Ava tava li po oshiwana shange
ngaashi tava li oshifima,
vo itava ifana nande Kalunga.
5 Opo tuu opo va tilifwa va kakama,
nande kapa li oshitilifi;
osheshi Kalunga okwa li a halakanifa
omakipa ovakondekeli voye;
ove we va xutula, osheshi Kalunga okwa li e va ekelashi.
6 Akutu, exupifo laIsrael ngeno li holoke muSion!
Ngeenge Omwene ta alula oudjuu movanhu vaye,
opo Jakob ota hafe, naIsrael ota nyakukwa.
© Oshikwanyama Bible Revised © Bible Society of Namibia, 2008, 2012.
