Onghuwo yomutewatewi
Epsalome laDavid, la pewa enyakwa lolwiimbo, kedimbulukifoyambo.
1 Akutu Kalunga, endelela u xupife nge,
Omwene, uluma, u kwafe nge!
2 Ovanangeli vomwenyo wange nava fifwe ohoni,
yo i va pembife oipala!
Nava fifwe ohoni ava tava halele nge omupya,
nava shunifwe monima nokufifwa ohoni.
3 Nava twalwe onhapo kokutondwa kwavo,
ava tava tanhe tava ti:
“Shalongo, shalongo shange!”
4 Ndelenee ava aveshe, tave ku kongo,
va nyakukwe nokuhafa mwoove.
Naava hava djuulukwa exupifo loye,
alushe nava hepaulule va tye:
“Kalunga Oye omunene!”
5 Ndelenee aame omukwanaluhepo nepongo.
Akutu Kalunga, tondokele nge!
Oove omukwafi nomuxupifi wange.
Omwene, ino kala ko!
© Oshikwanyama Bible Revised © Bible Society of Namibia, 2008, 2012.
