Halleluya!
1 Halleluya!
Tangeni Omwene mouyapuki waye,
mu tangeni mevalelwaulu leenghono daye!
2 Mu tangeleni oikumwifalonga yaye!
Mu tangeni molwouyadipangelo laye!
3 Mu tangeni neshiko lomanghuma,
mu tangeni nonyalilo nokaxumbafeta!
4 Mu tangeni noungoma neenghuwilili,
mu tangeni nokauta nepoli!
5 Mu tangeni nekwelengedjo loosimbale,
mu tangeni noosimbale tadi popi mokule.
6 Oshinamufudo keshe, tanga Omwene!
Halleluya!
© Oshikwanyama Bible Revised © Bible Society of Namibia, 2008, 2012.
