Omwene omwaameni woshiwana shaye
Eimbilo lomolweendo lokuya kouyapuki.
1 Ovalineekeli vOmwene
ove li ngaashi omhunda yaSion,
ei itai tengauka, tai kala po ya pama fiyo alushe.
2 Ngaashi Jerusalem sha dingililwa keemhunda,
Omwene osho ta dingilile oshiwana shaye
onena naalushe.
3 Osheshi epangelodibo lovalunde
itali kala pefyuululo lovayuki,
ovayuki opo vaha nanene yo ngeno
omake avo koulunde.
4 Omwene, ava ve hole ouwa, va ningila ouwa,
naava, ve nomutima wa yuka.
5 Ndelenee ava, tave lihoololele eendjila domoxwati,
ovo, Omwene ne va undwile mumwe
novaningi vowii.
Ombili nai kale naIsrael!
© Oshikwanyama Bible Revised © Bible Society of Namibia, 2008, 2012.
