Omwiitaveli te lineekele Kalunga
Epsalme laDavid, la pewa enyakwa lolwiimbo.
1 MOmwene onda tula mo elineekelo lange;
otamu ti hano ngahelipi kwaame:
“Tukeni keemhunda ngaashi odila!
2 Osheshi tala, ovahenakalunga
tava lukile omauta,
va tula oshikuti mofipa,
va shiive okuumba ve li momulaulu,
va yashe ava ve nomutima wa yuka.
3 Eengudi domukangha
ngeenge tadi ngumaunwa po,
omuyuki ta dulu sha vali mbela?”
4 Omwene oku li motembeli yaye iyapuki,
Omwene ou, e nolukalwapangelo laye li li meulu;
omesho aye taa tale,
neemhafu daye tadi konenene oludalo lovanhu.
5 Omwene ota konakona
ovayuki novahenakalunga,
naau e hole owii,
omwenyo waye otau mu tondo.
6 Ovahenakalunga ote ke va lokifila
omakala omundilo nosulfuri;
nomhepo ya hanya
otai ka ninga oshitukulwa sheholo lavo.
7 Osheshi Omwene Oye omuyuki
noku hole ouyuki;
ovayuki notava ka tala oshipala shaye.
© Oshikwanyama Bible Revised © Bible Society of Namibia, 2008, 2012.
