Oonakukala muJerusalem naava vomomikunda
1 Novakulunhu voshiwana va kala muJerusalem, ndelenee oshixupe shovanhu va umba oshihoololifo, opo umwe womwaava omulongo a kale moshilando shiyapuki shaJerusalem, ndele vakwao omugoi omomikunda. 2 Novanhu va nangeka noupuna ovalumenhu aveshe ovo va hala kehalo lavo liwa okukala muJerusalem. 3 Novakulunhu voshitukulwalongo, ava va kala muJerusalem ovava: momikunda domuJuda keshe umwe a kala mepya laye lomoshilando shavo: Ovaisraeli ovapristeli nOvalevi novayakuli votembeli novana vovapiya vaSalomo. 4 Ndele ovana vaJuda novana vaBenjamin va kala muJerusalem; movana vaJuda: Ataja yaUssia yaSakaria yaAmarja yaSefatja yaMehalalel, vo oludalo laPeres; 5 naMaasea yaBaruk yaKolhose yaHasaja yaAdaja yaJojarib yaSakaria, Omusilo. 6 Ovana ovalumenhu aveshe vaPeres ava va kala muJerusalem va li omafele ane nomilongo hamano navahetatu vo ovakwaita.
7 Novana vaBenjamin ovava: Sallu yaMesullam yaJoed yaPedaja yaKolaja yaMaasea yaItiel yaJesaja; 8 ndele a shikulwa kuGabbai-Sallai, omafele amugoi nomilongo mbali navahetatu. 9 Ndele Joel yaSikri okwa li omupashukili wavo. Ndele Juda yaHassenua okwa li omutivali moulenga mepangelo loshilando.
10 Movapristeli: Jedaja yaJojarib, Jakin, 11 Seraja yaHilkia yaMesullam yaSadok yaMerajot yaAhitub, elenga longulu yaKalunga. 12 Novamwaina vavo ovalumenhu ava va longa motembeli va li omafele ahetatu nomilongo mbali navavali. NaAdaja yaJeroham yaPelalja yaAmsi yaSakaria yaPashur yaMalkia, 13 novamwaina ovakulunhu vomapata va li omafele avali nomilongo nhee navavali. NaAmasai yaAsareel yaAksai yaMesillemot yaImmer, 14 novamwaina ovalumenhu, ovaladi, va li efele nomilongo mbali navahetatu, omupashukili wavo okwa li Sabdiel yaHaggedolim.
15 Ndele mOvalevi: Shemaia yaHassub yaAsrikam yaHasabja yaBunni, 16 naSabbetai naJosabad, ovakulunhu vOvalevi ova pashukila oilonga yopondje yongulu yaKalunga. 17 NaMattanja yaMikka yaSabdi yaAsaf, omuwiliki weimbilo lehambelelo, ou a hovela eimbilo lehambelelo naBakbukja, omutivali moulenga mokati kovamwaina. NaAbda yaSammua yaGalal yaJedutun. 18 Ovalevi aveshe vomoshilando shiyapuki va li omafele avali nomilongo hetatu navane.
19 Novanangeli vopoivelo: Akkub, Talmon novamwaina ovalumenhu ava va nangela poivelo va li efele nomilongo heyali navavali. 20 NOvaisraeli vamwe, ovapristeli nOvalevi ova li moilando aishe yomuJuda, keshe umwe moshitukulwafyuululwa shaye. 21 Novayakuli votembeli va kala koshikulundu shaOfel. Ndele Siha naGispa va li ovapashukili vovayakuli votembeli.
22 Nomupashukili wOvalevi vomuJerusalem okwa li Ussi yaBani yaHasabja yaMattanja yaMikka yaAsaf, ovaimbi va longa mongulu yaKalunga. 23 Osheshi pa li oshipango shohamba tashi va tongo, onghedi ya pama yovaimbi va pewe eemhumbwe davo dakeshe efiku. 24 Ndele Petahja yaMesesabel womovana vaSera yaJuda okwa li elenga lokufikifa eendjovo adishe dovanhu kohamba.
25 Ndele komikunda odo kwa li ku nomapya avo. Vomovana vaJuda va kala muKiriat-Arba nomoipangelwa yasho nomuDibon nomoipangelwa yasho nomuJekabseel nomomikunda dasho, 26 nomuJosua nomuMolada nomuBet-Pelet 27 nomuHasar-Sual nomuBerseba nomoipangelwa yasho, 28 nomuSiklag nomuMegona nomoipangelwa yasho, 29 nomuEn-Rimmon nomuSorea nomuJarmut, 30 Sanoa, Adullam nomikunda dayo, Lakis nomapya asho opomunghulo, Aseka noipangelwa yasho; ndele va kala meenhanda okudja kuBerseba fiyo okefilu laHinnom.
31 Novana vaBenjamin: va kala okudja muGeba muMikmas naAja naBetel noipangelwa yasho, 32 Anatot, Nob, Ananja, 33 Hasor, Rama, Gittaim, 34 Hadid, Seboim, Neballat, 35 Lod naOno, Geharasim. 36 Ndele mOvalevi eengudu dimwe daJuda, da kala muBenjamin.
© Oshikwanyama Bible Revised © Bible Society of Namibia, 2008, 2012.
