Jotam ohamba yaJuda
1 Omido daJotam da li omilongo mbali nanhano, ye eshi a ninga ohamba, nokwa pangela muJerusalem omido omulongo nahamano. Nedina laina la li Jerusa, omona waSadok. 2 Nokwa ninga osho sha yuka momesho Omwene ngaashi xe Ussia a ninga. Ashike ina ya mo motembeli yOmwene. Ndelenee ovanhu va enda natango nokunyona. 3 Ye okwa tunga oshivelo shopombadelela shongulu yOmwene nokwa tunga unene ohotekuma yopuOfel. 4 Nokwa tunga vali oilando keemhunda daJuda nokwa tunga eehotengulu neehoteshungo momifitu. 5 Okwa lwifa yo ohamba yOvaammoni nokwe va ta, onghee ovana vaAmmoni ve mu pa momudo ou oisiliveli yeekilograma omayovi atatu nomafele ane nomahangu eetona eyovi noilyavala eetona eyovi. Ovana vaAmmoni ve i yandja yo kuye momudo omutivali nomomudo omutitatu. 6 Ndele Jotam okwa mona eenghono shaashi eendjila daye e di yukifa koshipala shOmwene Kalunga kaye. 7 Noinima imwe tai hepaululula Jotam, noita yaye aishe noilonga yaye aishe, tala, oya shangwa membo leehamba daIsrael nodaJuda. 8 Omido daye da li omilongo mbali nanhano ye eshi a ninga ohamba, nokwa pangela muJerusalem omido omulongo nahamano. 9 Ndele Jotam okwa ka nangala pooxe nokwa pakwa moshilando shaDavid. Nomona waye Ahas okwa ninga ohamba ponhele yaye.
© Oshikwanyama Bible Revised © Bible Society of Namibia, 2008, 2012.
