Oludalo laIsaskar
1 Novana ovamati vaIsaskar ovava: Tola naPua, Jasub naSimron, vane. 2 Novana ovamati vaTola ovava: Ussi naRefaja naJeriel naJahmai naJibsam naSemuel, ovakulunhu vomapata avo, oludalo laTola, ovaladi. Omuvalo wavo pamapata avo pomafiku aDavid e fike pomayovi omilongo mbali naavali nomafele ahamano. 3 Novana vaUssi okwa li Jisrahja. Novana vaJisrahja ovava: Mikael naObadja naJoel, Isshia, vatano, aveshe ovakulunhu. 4 Ndele puvo pa li omatanga ovakwaita omayovi omilongo nhatu naahamano pamaludalo nopamapata avo; osheshi vo va li ve novalikadi vahapu nounona vahapu. 5 Novamwaina ovalumenhu vomomaludalo aeshe aIsaskar, ovaladi omayovi omilongo hetatu naaheyali va shangelwa aveshe momambo eshikulafano lomapata.
Omaludalo aBenjamin naNaftali
6 Vatatu vovana vaBenjamin ova li Bela naBeger naJediael. 7 Novana ovamati vaBela ovava: Esbon naUssi naUsiel naJerimot naIri, ovakulunhu vatano vomapata, ovaladi. Ava va shangelwa meshikulafano lavo lomapata va li: omayovi omilongo mbali naavali nomilongo nhatu navane. 8 Novana ovamati vaBeger ovava: Semira naJoas naElieser naEljoenai naOmri naJeremot naAbia naAnatot naAlemet. Vo aveshe va li ovana ovamati vaBeger; 9 ndele meshikulafano lavo lomapata mwa shangelwa pamaludalo avo ovakulunhu vomapata avo, ovaladi omayovi omilongo mbali nomafele avali. 10 Nomona omumati waJediael okwa li Bilhan. Novana ovamati vaBilhan ovava: Jehus naBenjamin naEhud naKenaana naSetan naTarsis naAhisahar. 11 Ovana aveshe vaJediael pavakulunhu vomapata, ovaladi, va li omayovi omulongo naaheyali nomafele avali, ava va li ve nokuya koita paifano.
12 Ndele Suppim naHuppim va li ovana Ovamati vaIr. Husim kwa li omona waAher.
13 Ovana ovamati vaNaftali ovava: Jakseel naGuni naJeser naSallum, va dalwa kuBilha.
Oludalo laManasse
14 Omona waManasse kwa li Asriel ou a dalwa komwalikadi waye. Omwalikadi waye wopomunghulo, Omuaram, okwa dala Makir, xe yaGilead. 15 Ndele Makir okwa kongela Huppim naSuppim ovalikadi. Nedina lomumwaina omukainhu la li Maaka. Nedina lomutivali la li Selofhad. Ndele Selofhad okwa li e novana oukadona. 16 Ndele Maaka, omwalikadi waMakir, okwa dala okana okamati, nokwe ka luka Peres. Nedina lomumwaina la li Seres, novana vaye ovamati va li Ulam naRakem. 17 Nomona waUlam kwa li Bedan. Ovo hano ovana ovamati vaGilead, omona waMakir yaManasse. 18 Nomumwaina omukainhu Hamoleket okwa dala Ishod naAbieser naMahla. 19 Novana ovamati vaSemida ovava: Ahian naSekem naLikhi naAniam.
Oludalo laEfraim
20 Nomona waEfraim kwa li Sutelah. Nomona waye kwa li Bered, nomona waye Tahat, nomona waye Eleada, nomona waye Tahat, 21 nomona waye Sabad, nomona waye Sutelah naEser naElead. Novalumenhu vaGat, ava va dalelwa moshilongo osho, ve va dipaa, osheshi ve uya va ka kufe po oimuna yavo. 22 Onghee hano xe yavo Efraim okwa li a nyika oluhodi omafiku mahapu, novamwaina ovalumenhu ve uya oku mu hekeleka. 23 Konima yoinima ei okwa ya mo momukainhu waye, ndele ye a ninga oufimba nokwa dala okana okamati. Nokwe ka luka Beria, shaashi sha ningwa meumbo laye pefimbo loluhodi. 24 Nomona waye omukainhu kwa li Seera. Ndele ye okwa tunga Bet-Horon shomefilu naashi shokomutune, naUssen-Seera. 25 Novana vaye ovamati va li Refah naResef, nomona waye Telah, nomona waye Tahan. 26 Nomona waye Ladan, nomona waye Ammihud, omona waye Elisama, 27 nomona waye Nun, nomona waye Josua.
28 Noshitukulwalongo shavo neenhele dokukala kwavo da li: Betel noipangelwa yasho. Ndele kombinga yokoushilo: Naaran. Ndele kombinga yokouninginino: Geser noipangelwa yasho, naSekem noipangelwa yasho fiyo okuAija noipangelwa yasho. 29 Ndele mepangelo lovana vaManasse mwa li Betshan noipangelwa yasho, Taanak noipangelwa yasho, Megido noipangelwa yasho, Dor noipangelwa yasho. Meenhele odo ovana vaJosef yaIsrael va kala mo.
Oludalo laAsser
30 Ovana ovamati vaAsser ovava: Jimna naJisva naJisvi naBeria; naSera, omumwaina omukainhu. 31 Novana ovamati vaBeria va li Eber naMalkiel. Ye okwa dala Birsajit. 32 Ndele Eber okwa dala Jaflet, naSomer naHotam; naSua, omumwaina omukainhu. 33 Novana ovamati vaJaflet ovava: Pasah naBimhal naAsvat. Vo hano ovana ovamati vaJaflet. 34 Novana ovamati vaSemer ovava: Ahi naRohega, Jehubba naAram. 35 Novana ovamati vomumwaina Helem ovava: Sofah naJimna naSeles naAmal. 36 Ovana ovamati vaSofah ovava: Suah naHarnefer naShual naBeri naJimra, 37 Beser naHod naSamma naSilsa naJitran naBeera. 38 Novana ovamati vaJeter ovava: Jefunne naPispa naAra. 39 Novana ovamati vaUlla ovava: Arah naHanniel naRisja. 40 Vo aveshe va li ovana vaAsser, ovakulunhu vomapata, ovahoololwa, ovaladi, ovakulunhu vomeehamba. Nomuvalu waava va wana okulwa, wa shangelwa meshikulafano lomapata wa li ovalumenhu omayovi omilongo mbali naahamano.
© Oshikwanyama Bible Revised © Bible Society of Namibia, 2008, 2012.
