Oludalo laJuda
1 Ovana ovamati vaJuda ovava: Peres, Hesron naKarmi naHur naSobal. 2 Ndele Reaja yaSobal okwa dala Jahat, naJahat okwa dala Ahumai naLahad. Olo hano oludi lOvasorati.
3 Ndele ovana ovamati vaEtam ovava: Jisreel naJisma naJidbas. Nedina lomumwaina womukainhu ola li Hasselelponi. 4 Ndele Penuel okwa dala Gedor, naEser okwa dala Husa. Ovo hano ovana ovamati vaHur, oshiveli shaEfrata, xe yaBetlehem.
5 Ndele Ashur, xe yaTekoa, okwa li e novalikadi vavali, Helea naNaara. 6 Ndele Naara okwe mu dalela Ahussam naHefer naTemen naAhastar. Ovo hano ovana ovamati vaNaara. 7 Novana ovamati vaHelea ovava: Seret, Ishar naEtnan. 8 Ndele Kos okwa dala Anub naHassobeba noludi lOvaaharhel omona omumati waHarum.
9 Ndele Jabes okwa li a fimana komesho yovamwaina. Ndele ina okwe mu luka Jabes ta ti: Ame nde mu dala nouyehame. 10 Ndele Jabes okwa ifana Kalunga kaIsrael ndele ta ti: “Ngeno u nangeke nge ndele u tandavelife oshitukulwalongo shange; ngeno omake oye a kale pamwe naame ndele u amene nge kowii, opo ndiha hangike komahepeko!” Ndele Kalunga okwa wanifa eindilo laye.
11 Ndele Kelub, omumwaina waSuha, okwa dala Mehir. Oye okwa dala Eston. 12 Ndele Eston okwa dala Bet-Rafa naPaseah naTehinna, xe yoshilando shaNahas. Ovo hano ovalumenhu vaReha.
13 Novana ovamati vaKenas ovava: Otniel naSeraja. Novana ovamati vaOtniel: Hatat naMeonotai.
14 Ndele Meonotai okwa dala Ofra, naSeraja okwa dala Joab, xe Geharasim, osheshi vo va li ovahambwidi.
15 Novana ovamati vaKaleb yaJefunne ovava: Iru, Ela naNaam. Nomona omumati waEla: Kenas.
16 Novana ovamati vaJehalleleel ovava: Sif naSifa, Tireja naAsareel. 17 Novana ovamati vaEsra ovava: Jeter naMered naEfer naJalon. Novana ovamati vaBitja, omona okakadona kaFarao, ou a hombolwa kuMered. Ye okwa ninga oufimba nokwa dala: Mirjam naSammai naJisbag, xe yaEstemoa. 18 Nomwalikadi waye Omujuda okwa dala: Jered, xe yaGedor, naEber, xe yaSoko, naJekutiel, xe yaSanoa.
19 Novana ovamati vomwalikadi waHodia, omumwaina omukainhu waNaham, xe yaKeila, okwa li Omugarmi naEstemoa, okwa li Omumaakati.
20 Novana ovamati vaSimon ovava: Amnon naRinna, Ben-Hanan naTilon. Novana ovamati vaJisei va li Sohet naBen-Sohet. 21 Ovana ovamati vaShela yaJuda ovava: Er, xe yaLega, naLaeda, xe yaMaresa, nomapata ovatungi voshiyata sholiina wokuBetAsbea. 22 Natango Jokim novalumenhu vokuKoseba naJoas naSaraf, ovo va pangela Moab nova alukile kuBetlehem. Ndelenee omahepaululo aa omakulu. 23 Vo ova li ovahongi voiyuma noonakukala muNetaim nomuGedera. Oko va kala pohamba ndele ve i longela.
Oludalo laSimeon
24 Ovana ovamati vaSimeon ovava: Nemuel naJamin, Jarib, Sera naSaul. 25 Omona waye omumati Sallum. Omona waye Mibsam. Omona waye Misma. 26 Novana ovamati vaMisma ovava: Omona waye Hammuel, omona waye Sakkur, nomona waye Simei. 27 Ndele Simei okwa li e novana ovamati omulongo navahamano noukadona vahamano. Ndelenee ovamwaina vovalumenhu va li vehe novana ovamati vahapu. Nepata lavo alishe inali hapupala ngaashi ovana ovamati vaJuda. 28 Ndele vo ova kala muBerseba nomuMolada nomuHasar-Sual, 29 nomuBilha nomuEsem nomuTolad 30 nomuBetuel nomuHorma nomuSiklag 31 nomuBet-Markabot nomuHasar-Susim, nomuBet-Birei nomuSaaraim. Oyo hano oilando yavo fiyo David a ninga ohamba. 32 Nomikunda davo da li: Etam naAin, Rimmon naTogen naAsan, omikunda nhano. 33 Nomikunda davo adishe odo da kunghula oilando oyo, fiyo okuBaal. Odo hano da li eenhele dokukala kwavo, ndele vo va li ve nembo leshikulafano lomapata avo.
34 Novakwao: Mesobab naJamleh naJosa, ovana ovamati vaAmasia, 35 naJoel naJehu, ovana ovamati vaJosibja, omona waSeraja, nomona waAsiel, 36 naEljoenai naJaakoba naJesohaja naAsaja naAdiel naJesimiel naBenaja 37 naSisa, omona waSifei yaAllon yaJedaja yaSimri yaShemaia. 38 Omadina a ava a tumbulwa apa, va li ovakulunhu vomapata avo, nomapata avo a hapupala unene. 39 Ndele vo ova ya fiyo okomhito yokuya kuGedor, fiyo okoushilo wefilu, va ka konge oulifilo woimuna yavo. 40 Ndele va mona oulifilo muwa mutalala, noshilongo ashishe sha li sha tamunuka keembinga adishe, sha mwena shi nombili, osheshi ovanhu ovo va kala ko nale ova li Ovaham. 41 Ndele ovo omadina avo a tumbulwa apa, ove uya pomafiku aHiskia, ohamba yaJuda, va nangala omatwali avo ndele va taataa Ovameunim ovo va li ko. Ndele ve va mana po sheke fiyo onena eli. Ndele va nangala onhele yavo. Osheshi oko kwa li oulifilo woimuna yavo. 42 Ndele muvo nokutya, mepata laSimeon, mwa dja ovalumenhu omafele atano va ya keemhunda daSeir. Ndele Pelatja naNearja naRefaja naUsiel, ovana vaJisei, ve va kwatela komesho. 43 Ndele vo ova dipaa oshixupe shovaxupifwa vomuAmalek, ndele va kala ko fiyo onena eli.
© Oshikwanyama Bible Revised © Bible Society of Namibia, 2008, 2012.
