Eengudu dovaimbi vomotembeli
1 Ndele David novakulunhu vomatanga va tukulila oshilonga ovana ovamati vaAsaf naHeman naJedutun, ovo va shika momhepo younongo ouxumbafeta, neenyalilo, nounghuma, nomuvalu waava va longa oshilonga eshi, oyou: 2 movana ovamati vaAsaf: Sakkur naJosef naNetanja naAsarela, ovana vaAsaf, kewiliko laAsaf, ou a wilikilwa kohamba ndele a shika momhepo younongo. 3 MoJedutun, ovana ovamati vaJedutun ovava: Gedalja naSeri naJesaja, Hasabja, Simei naMatitia, vahamano, kewiliko laxe yavo Jedutun, ou a shika ouxumbafeta momhepo younongo, a shikila Omwene ehambelelo nepandulo. 4 MoHeman, ovana ovamati vaHeman ovava: Bukkia, Mattanja, Usiel, Sebuel naJerimot, Hanania, Hanani, Eliata, Giddalti naRomanti-Eser, Josbekasa, Malloti, Hotir, Mahasiot. 5 Vo aveshe va li ovana ovamati vaHeman, omumonikokule wohamba womeendjovo daKalunga. Kalunga e mu pa ovana ovamati omulongo navane noukadona vatatu oku mu pameka. 6 Vo aveshe va li ovaimbi mewiliko laxe mongulu yOmwene, va li ve nounghuma, ouxumbafeta neenyalilo, moshilonga shomongulu yaKalunga, pawiliko lohamba nolaAsaf nolaJedutun nolaHeman. 7 Nomuvalu wavo pamwe noovakwao, ovo va longwa okwiimbila Omwene ehambelelo, aveshe ava va li ovanongo, va li omafele avali nomilongo hetatu navahetatu. 8 Ndele va umbila eshikulafano lomoshilonga, oshihoololifo, ovanyasha novakulunhu, novanongo pamwe novalongwa.
9 Noshihoololifo shotete sha kwata Asaf, nokutya Josef; oshitivali Gedalja; ye pamwe novamwaina ovalumenhu novana vaye ovalumenhu va li omulongo navavali: 10 oshititatu sha kwata Sakkur; ovana vaye novamwaina ovalumenhu va li omulongo navavali; 11 oshitine Jisri; ovana vaye novamwaina vaye ovalumenhu va li omulongo navavali; 12 oshititano Netanja; ovana vaye novamwaina ovalumenhu va li omulongo navavali; 13 oshitihamano Bukkia; ovana vaye novamwaina ovalumenhu va li omulongo navavali; 14 oshitiheyali Jesarela; ovana vaye novamwaina ovalumenhu va li omulongo navavali; 15 oshitihetatu Jesaja; ovana vaye novamwaina ovalumenhu va li omulongo navavali; 16 oshitimugoi Mattanja; ovana vaye novamwaina ovalumenhu va li omulongo navavali; 17 oshitimulongo Simei; ovana vaye novamwaina ovalumenhu va li omulongo navavali; 18 oshitimulongo noshotete Asareel; ovana vaye novamwaina ovalumenhu va li omulongo navavali; 19 oshitimulongo noshitivali Hasabja; novana vaye novamwaina ovalumenhu va li omulongo navavali; 20 oshitimulongo noshititatu Subael; novana vaye novamwaina ovalumenhu va li omulongo navavali; 21 oshitimulongo noshitine Matitia; novana vaye novamwaina ovalumenhu va li omulongo navavali; 22 oshitimulongo noshititano Jeremot; novana vaye novamwaina ovalumenhu va li omulongo navavali; 23 oshitimulongo noshitihamano Hanania; novana vaye novamwaina ovalumenhu va li omulongo navavali; 24 oshitimulongo noshitiheyali Josbekasa; novana vaye novamwaina ovalumenhu va li omulongo navavali; 25 oshitimulongo noshitihetatu Hanani; novana vaye novamwaina ovalumenhu va li omulongo navavali; 26 oshitimulongo noshitimugoi Malloti; novana vaye novamwaina ovalumenhu va li omulongo navavali; 27 oshitimilongo mbali Eliata; novana vaye novamwaina ovalumenhu va li omulongo navavali; 28 oshitimilongo mbali noshotete Hotir; novana vaye novamwaina ovalumenhu va li omulongo navavali; 29 oshitimilongo mbali noshitivali Giddalti; novana vaye novamwaina ovalumenhu va li omulongo navavali 30 oshitimilongo mbali noshititatu Mahasiot; novana vaye novamwaina ovalumenhu va li omulongo navavali; 31 oshitimilongo mbali noshitine Romanti-Eser; novana vaye novamwaina ovalumenhu va li omulongo navavali.
© Oshikwanyama Bible Revised © Bible Society of Namibia, 2008, 2012.
