Epata laJuda
1 Ovana ovamati vaIsrael ovava: Ruben, Simeon, Levi, Juda, Isaskar naSebulon, 2 Dan, Josef naBenjamin, Naftali, Gad naAsser.
3 Ovana ovamati vaJuda ovava: Er naOnan naShela, ava vatatu e va dalelwa komukainhu Omukaanan, omona okakadona kaSua. Ndele Er, oshiveli shaJuda, inashi wapalela Omwene, onghee hano e mu efa a fye. 4 Ndele Tamar, oshitenya shaye, she mu dalela Peres naSera. Ovana ovamati vaJuda va li vatano. 5 Ovana ovamati vaPeres ova li Hesron naHamul. 6 Novana ovamati vaSera ovava: Simri naEtan naHeman naKalkol naDara. Aveshe kumwe vatano. 7 Novana ovamati vaKarmi ovava: Akar, ou a twala Israel momupya, eshi a kufa oinima ya hoololelwa ehanauno. 8 Nomona omumati waEtan oye Asaria. 9 Novana ovamati vaHesron, ava ve mu dalelwa ova li Jerahmeel naRam naKelubai. 10 Ndele Ram okwa dala Aminadab, ndele Aminadab okwa dala Nashon, ohamba yepata laJuda. 11 Ndele Nashon okwa dala Salma, ndele Salma okwa dala Boas. 12 Ndele Boas okwa dala Obed, ndele Obed okwa dala Isai. 13 Ndele Isai okwa dala Eliab, oshiveli shaye, naAbinadab, omutivali, naSimea, omutitatu. 14 NaNetanel, omutine, naRaddai, omutitano, 15 naOsem, omutihamano, naDavid, omutiheyali. 16 Novamwaina vavo ovakainhu va li Seruja naAbigail. Novana ovamati vaSeruja ovava: Abisai naJoab naAsahel, vo vatatu. 17 Ndele Abigail okwa dala Amasa. Ndele xe yaAmasia okwa li Jeter, Omuismael.
18 Ndele Kaleb yaHesron okwa dalelwa ovana ovamati kuAsuba, omwalikadi waye nokuJeriot. Novana vaye ovamati ovava: Jeser naSobab naArdon. 19 Asuba eshi a fya, Kaleb okwa hombola Efrat. Ndele ye okwe mu dalela Hur. 20 Ndele Hur okwa dala Uri. Ndele Uri okwa dala Besaleel. 21 Konima yaashi Hesron okwa ya komona okakadona kaMakir, xe yaGilead. Nokwe ka hombola, ye eshi a wanifa omido 60. Ndele ye okwe mu dalela Segub. 22 Ndele Segub okwa dala Jair, ndele ye okwa li e noilando omilongo mbali naitatu muGilead. 23 Ndelenee Gesur naAram ve va kufa omikunda daJair, nosho yo Kenat nomikunda dasho, oilando 60. Vo aveshe va li ovana ovamati vaMakir, xe yaGilead. 24 Ndele konima yefyo laHesron muKaleb-Efrata, Abia, omwalikadi waHesron okwe mu dalela Ashur, xe yaTekoa.
25 Novana ovamati vaJerahmeel, oshiveli shaHesron, ovava: Oshiveli Ram. Navali Buna naOren naOsem, va dalwa kuAhia. 26 Jerahmeel okwa li e nomwalikadi umwe nedina laye Atara. Ye okwa li ina yaOnam. 27 Novana ovamati vaRam, oshiveli shaJerahmeel ova li Maas naJamin naEker. 28 Novana ovamati vaOnam ovava: Sammai naJada. Novana ovamati vaSammai va li: Nadab naAbisur. 29 Nedina lomwalikadi waAbisur la li Abigail. Nokwe mu dalela Ahban naMolid. 30 Novana ovamati vaNadab ova li Seled naAppaim. Ndele Seled okwa fya ehe novana. 31 Nomona omumati waAppaim kwa li Jisei. Nomona omumati waJisei kwa li Sesan. Nomona omumati waSesan kwa li Ahlai. 32 Novana ovamati vaJada, omumwaina waSammai, ova li Jeter naJonatan. Ndele Jeter okwa fya, ehe novana. 33 Novana ovamati vaJonatan ovava: Pelet naSasa. Ovo hano ovana ovamati vaJerahmeel.
34 Ndele Sesan okwa li ehe na ovana ovamati, ovana oukadona aveke. Ndele Sesan okwa li e nomupiya Omuegipiti nedina laye Jarha. 35 Ndele Sesan okwa yandja omona waye okakadona komupiya waye Jarha a ninge omwalikadi waye. Ndele ye okwe mu dalela Attai. 36 Ndele Attai okwa dala Natan, naNatan okwa dala Sabad, 37 naSabad okwa dala Eflal, naEflal okwa dala Obed, 38 naObed okwa dala Jehu, naJehu okwa dala Asaria, 39 naAsaria okwa dala Heles naHeles okwa dala Eleasa, 40 naEleasa, okwa dala Sisemai, naSisemai okwa dala Sallum, 41 naSallum okwa dala Jekamja, naJekamja okwa dala Elisama.
42 Novana ovamati vaKaleb, omumwaina waJerahmeel, ova li Mesa, oshiveli shaye, ye okwa dala Sif, novana ovamati vaMaresa, xe yaHebron. 43 Novana ovamati vaHebron ovava: Kora naTappuah naRekem naShema. 44 Ndele Shema okwa dala Raham, xe yaJorkeam. NaRekem okwa dala Sammai. 45 Nomona omumati waSammai kwa li Maon. Ndele Maon okwa dala Bet-Sur. 46 Ndele Efa, omwalikadi waKaleb wopomunghulo okwa dala Haran naMosa naGases. Ndele Haran okwa dala Gases. 47 Novana ovamati vaJohdai ovava: Regem naJotam naGesan naPelet naEfa naSaaf. 48 Maaka, omwalikadi waKaleb wopomunghulo, okwa dala Seber naTirhana, 49 nokwa dala Saaf, xe yaMadmanna, Sheva, xe yaMagbena naxe yaGibea. Nomona okakadona kaKaleb okwa li Aksa.
50 Hano ovo ovana ovamati vaKaleb. Ovana vaHur, oshiveli shaEfrata, okwa li Sobal, nokwa dala Kiriat-Jearim, 51 Salma okwa dala Betlehem, Haref okwa dala Bet-Gader. 52 Novana ovamati vaSobal, xe yaKiriat-Jearim, va li Haroe nombinga imwe yaMenuhot.
53 Nomaludi aKiriat-Jearim oo aa: Ovaiitri nOvaputi nOvasumati nOvamisrai. Muvo mwa dja Ovasorati nOvaestaoli.
54 Ovana ovamati vaSalma ovava: Betlehem nOvanetofa, Atrot-Bet-Joab nombinga imwe Ovamanahati, nOvasoriti.
55 Nomapata ovanongo vomishangwa aa a kala muJabes: Ovatirati, nOvasimati nOvasukati. Vo Ovakeni, ava va dja muHammat xe yepata laRekab.
© Oshikwanyama Bible Revised © Bible Society of Namibia, 2008, 2012.
