Eimburiro rokutanga Ndjambi
Eimburiro reyuva rEsabata.
1 Okokuwa okukutanga, Muhona,
nokuimburira ena roye, ove,
ngu u ri owOkombandambanda,
2 okuhongonona orusuvero roye orukarerere
omuhuka auhe nouṱakame woye ouṱuku auhe,
3 nongoma yomiko omurongo,
na kotjihumba na kotjiharpe.
4 Orondu ove, Muhona,
we ndji nyandisa omutima novitjitwa vyoye;
nami me yorokere oviungura vyomake woye.
5 Tjiri, oviungura vyoye ovinene, Muhona,
nourizemburuka woye oukoto tjinene!
6 Omundu eyova ke nokuvitjiwa,
nomuhinazondunge ke nondjiviro
moviṋa mbi:
7 Nandarire kutja ovanauvi mave
hapa otja ehozu,
novatjite vouvi mave nyomoka,
komaandero owo mave yandekwa nga aruhe;
8 nungwari, Muhona,
oove owOkombandambanda,
ngu karerera nga aruhe.
9 Orondu tara, ovanavita na ove,
Muhona, mave ṱu,
novatjite vouvi avehe mave rimbwa.
10 Ove we ndji harisa omasa tjimuna onyati
nu we ndji sera ondaya nenyando.
11 Ami mba muna okuhaverwa
kwovanavita na ami,
nu mba zuva omaririro wovanauvi.
12 Ovasemba mave hapa otja
omuti womandjembere,
owo mave kuru otja otupapa twa Libanon.
13 Owo ve ri otja omiti mbya kunwa
mondjuwo ya Muhona,
nu mbi nyomoka mondjuwo
ya Ndjambi wetu.
14 Ovyo vi twako ovihape nangarire
moukurupe wavyo,
naruhe ovyo oruhapo nu vi nomasa.
15 Owo ve hongonona kutja Muhona,
eye omusemba,
nokutja eye omuyame wandje,
nu mu ye kamu nondataiziro.
A Psalm or Song for the sabbath day.
1 It is a good thing to give thanks unto the LORD, and to sing praises unto thy name, O most High:
2 To shew forth thy lovingkindness in the morning, and thy faithfulness every night,
3 Upon an instrument of ten strings, and upon the psaltery; upon the harp with a solemn sound.
4 For thou, LORD, hast made me glad through thy work: I will triumph in the works of thy hands.
5 O LORD, how great are thy works! and thy thoughts are very deep.
6 A brutish man knoweth not; neither doth a fool understand this.
7 When the wicked spring as the grass, and when all the workers of iniquity do flourish; it is that they shall be destroyed for ever:
8 But thou, LORD, art most high for evermore.
9 For, lo, thine enemies, O LORD, for, lo, thine enemies shall perish; all the workers of iniquity shall be scattered.
10 But my horn shalt thou exalt like the horn of an unicorn: I shall be anointed with fresh oil.
11 Mine eye also shall see my desire on mine enemies, and mine ears shall hear my desire of the wicked that rise up against me.
12 The righteous shall flourish like the palm tree: he shall grow like a cedar in Lebanon.
13 Those that be planted in the house of the LORD shall flourish in the courts of our God.
14 They shall still bring forth fruit in old age; they shall be fat and flourishing;
15 To shew that the LORD is upright: he is my rock, and there is no unrighteousness in him.
