Ongumbiro yomuhinandjo
Ongumbiro ya David.
1 Muhona, puratena komeriyarikaṋeno
wandje wousemba;
zuva ondjuriro yandje!
Puratena kongumbiro yandje,
ndji me kumbu nouatjiri.
2 Ove mo ndji pangura osemba,
tjinga au tjiwa ouatjiri auhe.
3 Ove u tjiwa omutima wandje.
Ove weya ku ami mouṱuku;
wa konḓonona omutima wandje,
no ha munu ouvi mu ami.
4 Ami hi hungire ouvi otja ovandu varwe tji ve tjita.
Mba kara nonḓuviro komarakiza woye,
nu hi kongorerere kozondjira zoutwe.
5 Aruhe mba ryanga mondjira yoye,
nu hi yepere mu yo.
6 Ami me kumbu kove, Ndjambi,
orondu ove u ndji zuvira;
peta okutwi kwoye u puratene komambo wandje.
7 Raisa orusuvero rwoye oruhimise, u ndji yame;
ove u ndjipa ondjamo
nondjitjevere kovanavita na ami.
8 Ndji ṱakamisa otja onḓoromwina meho roye;
ndji undika momuzire wovivava vyoye
9 kovanauvi mbe ndji rwisa.
Ovanavita ovazepe novindandi mbe ndji kovera;
10 owo kave nondjenda, nu ve rihiva.
11 Ngamwa akuhe ku me i owo ve ndji kovera,
amave kondjo okundjinata.
12 Owo ve ri otja ozongeyama,
nḓa rarere okundjinyondorora.
13 Indjo, Muhona! Pirukira ovanavita
na ami nu u ve havere!
Ndji yama kovanauvi nengaruvyo roye;
14 ndji yama kovandu mbe noviṋa
avihe mbi ve zera kombanda yehi.
Ve vera nomihihamo ove mbi we ve pwikira;
ngape kare mbya yenene kovanatje vawo
nu pe hupe tjiva kovanatje vovanatje vawo!
15 Nungwari ami me munu omurungu woye,
tjinga ambi ha tjitire ouvi;
nu tji mba penduka,
me kovisiwa i ombunikiro yoye.
A Prayer of David.
1 Hear the right, O LORD, attend unto my cry, give ear unto my prayer, that goeth not out of feigned lips.
2 Let my sentence come forth from thy presence; let thine eyes behold the things that are equal.
3 Thou hast proved mine heart; thou hast visited me in the night; thou hast tried me, and shalt find nothing; I am purposed that my mouth shall not transgress.
4 Concerning the works of men, by the word of thy lips I have kept me from the paths of the destroyer.
5 Hold up my goings in thy paths, that my footsteps slip not.
6 I have called upon thee, for thou wilt hear me, O God: incline thine ear unto me, and hear my speech.
7 Shew thy marvellous lovingkindness, O thou that savest by thy right hand them which put their trust in thee from those that rise up against them .
8 Keep me as the apple of the eye, hide me under the shadow of thy wings,
9 From the wicked that oppress me, from my deadly enemies, who compass me about.
10 They are inclosed in their own fat: with their mouth they speak proudly.
11 They have now compassed us in our steps: they have set their eyes bowing down to the earth;
12 Like as a lion that is greedy of his prey, and as it were a young lion lurking in secret places.
13 Arise, O LORD, disappoint him, cast him down: deliver my soul from the wicked, which is thy sword:
14 From men which are thy hand, O LORD, from men of the world, which have their portion in this life, and whose belly thou fillest with thy hid treasure: they are full of children, and leave the rest of their substance to their babes.
15 As for me, I will behold thy face in righteousness: I shall be satisfied, when I awake, with thy likeness.
