Eimburiro rokutja okuhepa ku Ndjambi
Komuimburise wotjiketara. Epsalme. Eimburiro.
1 Ndjambi nge tu tjariparere,
nu nge tu sere ondaya,
nga yerise omurungu we ku eṱe,
2 kutja ombango ye i tjiukwe kombanda yehi,
nokutja oviwaṋa avihe vi tjiwe ondjamo ye.
3 Oviwaṋa ngavi ku tange, Ndjambi;
oviwaṋa avihe ngavi ku hivirike!
4 Omihoko ngavi nyande nu ngavi yoroke,
orondu ove u vi pangura nousemba,
nu u honaparera oviwaṋa
avihe kombanda yehi.
5 Oviwaṋa ngavi ku tange, Ndjambi;
oviwaṋa avihe ngavi ku hivirike!
6 Ehi ra eta ovihape vyaro;
Ndjambi, ngu ri Ndjambi wetu,
me tu sere ondaya.
7 Ndjambi me tu sere ondaya;
noviwaṋa avihe kombanda yehi
mavi kara nondira ku ye.
To the chief Musician on Neginoth, A Psalm or Song.
1 God be merciful unto us, and bless us; and cause his face to shine upon us; Selah.
2 That thy way may be known upon earth, thy saving health among all nations.
3 Let the people praise thee, O God; let all the people praise thee.
4 O let the nations be glad and sing for joy: for thou shalt judge the people righteously, and govern the nations upon earth. Selah.
5 Let the people praise thee, O God; let all the people praise thee.
6 Then shall the earth yield her increase; and God, even our own God, shall bless us.
7 God shall bless us; and all the ends of the earth shall fear him.
