Ombanguriro ya Ndjambi notjari tje
Komuimburise. Epsalme ra David, Doeg, Omuedom, tja za nokuyenda ku Saul okukemuraera kutja David wa ire kondjuwo ya Ahimelek.
1 Mo rihivire tjike nourunde woye,
ove murumendu woutwe?
Orusuvero rwa Ndjambi ru karerera
nga aruhe.
2 Ove u ripura nokutjita oumba kovakweṋu;
eraka roye ri ri otja orukurure orutwe.
Ove aruhe u kora ovizeze.
3 Wa suvera ourunde pouwa,
nu u kora ovizeze pokuhungira ouatjiri.
4 Wa suvera okuhihamisa ovakweṋu
nomambo woye,
ove munavizeze.
5 Ndjambi me ku yandeke nga aruhe;
eye me ku kambura ne ku ṱukuṱura
mondjuwo yoye,
nu me ku isa mo mehi rovanamuinyo.
6 Ovasemba mave munu otjiṋa hi
nave tira;
nowo mave ku yoro nave tja:
7 “Tareye, ingwi eye omurumendu
ngu ha vangere Ndjambi kutja
ma rire ondjamo ye,
nungwari moruveze rwanao we riyameka
koutumbe we ounene
nu a wama mourunde we.”
8 Nungwari ami mba muna ondjeverero
mondjuwo ya Ndjambi,
otja omuṋinga omutarazu mbu kura,
nu ami me riyameke korusuvero rwe oruṱakame
aruhe nga aruhe.
9 Ami me ku tanga nga aruhe, Ndjambi,
mena raimbi mbi wa tjita.
Me zuvarisa ena roye momurungu wotjiwaṋa tjoye,
ove tjinga au ri omuwa.
To the chief Musician, Maschil, A Psalm of David, when Doeg the Edomite came and told Saul, and said unto him, David is come to the house of Ahimelech.
1 Why boastest thou thyself in mischief, O mighty man? the goodness of God endureth continually.
2 Thy tongue deviseth mischiefs; like a sharp razor, working deceitfully.
3 Thou lovest evil more than good; and lying rather than to speak righteousness. Selah.
4 Thou lovest all devouring words, O thou deceitful tongue.
5 God shall likewise destroy thee for ever, he shall take thee away, and pluck thee out of thy dwelling place, and root thee out of the land of the living. Selah.
6 The righteous also shall see, and fear, and shall laugh at him:
7 Lo, this is the man that made not God his strength; but trusted in the abundance of his riches, and strengthened himself in his wickedness.
8 But I am like a green olive tree in the house of God: I trust in the mercy of God for ever and ever.
9 I will praise thee for ever, because thou hast done it: and I will wait on thy name; for it is good before thy saints.
