Ongumbiro yombatero
Epsalme ra David.
1 Me ku kove, Muhona, ngu u ri oruuwa rwandje.
O mwina uriri, nu o ndji esa,
Orondu ove tji wa mwina,
ami me sana novandu, mba pakwa momaendo.
2 Zuva eraka romerihekeneno wandje
tji me ku ombatero kove,
nu tji me yere omake wandje
kondjuwo yoye ondjapuke.
3 O ndji wongatere muna ovanauvi
na imba mbe tjita ouvi;
owo ve hungira omambo wohange kovakwao,
nungwari momitima vyawo tjandje mu nonyengo.
4 Ve verera ozondjito zawo
nouvi woviungura vyawo,
ve verera oviungura vyomake wawo,
ngave pewe imbi mbye ve pwira.
5 Owo kave ripura noviungura vya Muhona
naimbi eye mbya ungura nomake we,
punao eye otjinga ame ve nyono
nokuveyandeka nga aruhe.
6 Muhona nga tangwe,
tjinga a zuvira eraka romerihekeneno wandje.
7 Muhona eye omasa nomuyame wandje,
omutima wandje mau riyameke ku ye.
Eye we ndji pa ombatero ne ndji pe enyando,
nami me mu tanga neimburiro randje.
8 Muhona eye omasa wotjiwaṋa tje;
eye otjiṱunga nondjamo kombara ye ondoororwa.
9 Yama otjiwaṋa tjoye Muhona,
nu u sere ondaya ku imba mbe ri ovoye.
Rira omurise watjo
nu u tji ṱakamise nga aruhe.
A Psalm of David.
1 Unto thee will I cry, O LORD my rock; be not silent to me: lest, if thou be silent to me, I become like them that go down into the pit.
2 Hear the voice of my supplications, when I cry unto thee, when I lift up my hands toward thy holy oracle.
3 Draw me not away with the wicked, and with the workers of iniquity, which speak peace to their neighbours, but mischief is in their hearts.
4 Give them according to their deeds, and according to the wickedness of their endeavours: give them after the work of their hands; render to them their desert.
5 Because they regard not the works of the LORD, nor the operation of his hands, he shall destroy them, and not build them up.
6 Blessed be the LORD, because he hath heard the voice of my supplications.
7 The LORD is my strength and my shield; my heart trusted in him, and I am helped: therefore my heart greatly rejoiceth; and with my song will I praise him.
8 The LORD is their strength, and he is the saving strength of his anointed.
9 Save thy people, and bless thine inheritance: feed them also, and lift them up for ever.
