Ovanane mombongo
1 Omambo nga ouatjiri: Tji pe nomundu ngu ma zeri okurira omunane wombongo, eye ma zeri otjiungura otjiwatjiwa. 2 Omunane wombongo ma sokukara nokuhinatjipo; ma sokurira omurumendu womukazendu umwe, nomutima omuwa, nomuritjaere koviṋa nomuritjinde wanawa; eye ma sokusekirisa ovayenda moye; ma sokuyenena okuhonga ovandu; 3 eye ke nokusokurira omusuvere womanuwa poo omunazondjito zakotjomasa, nungwari ma sokurira ongozu nomunahange, nu ke nokusokunanukira ovimariva; 4 eye ma sokurira omuṱakamise wonganda ye nawa; ma sokukurisa ovanatje ve kutja ve kare nonḓuviro ku ye nondengero aihe. 5 Orondu omundu tje hi nokuyenena okuṱakamisa onganda ye omuini, ma sora vi okurisa ombongo ya Ndjambi? 6 Eye ma sokurira omundu ngwe kura mongamburiro kokutja e he risurisa mokuritongamisa kutja Satan e he mu wisire mombanguriro ya Ndjambi. 7 Nu wina eye ma sokurira omurumendu ngu ma pewa ondengero i ovandu mbe ri pendje yombongo, kokutja eye a ha yamburuka na ha wire mongwehe ya Satan.
Ovavatere mombongo
8 Momuano tjingewo, ovavatere wombongo wina mave sokukara notjikaro otjiwa, nu ngave rire ovandu mbe ha hungire pevari; owo kave sokunwa omavinu omengi; nu kave sokunanukira ovimariva. 9 Owo ve sokuṱakamisa nomeritjiviro womomutima omawa imbwi ouatjiri wongamburiro mbwa vandururwa. 10 Owo rutenga ve sokurorwa, nokuzambo tji pe hi nomundu ngu meve kuramene momurungu, otji mave yenene okukarera ombongo. 11 Novakazendu vawo wina ngave kare nomeritjindiro omawa, nu ave ha yamburura ovandu varwe; ngave kare nomitima omiwa nu ve rire ovaṱakame moviṋa avihe. 12 Omuvatere wombongo nga rire omurumendu womukazendu umwe uriri, nu nga rise ovanatje ve nawa nokuṱakamisa onganda ye nawa wina. 13 Ovavatere mba mbu mave ungura oviungura vyawo nawa mave munu ondengero mombongo, nu mave yenene okuhungira noupandi indji ongamburiro yawo mu Kristus Jesus.
Omaundikiro omanene
14 Tji me tjanga orutuu ndwi nai, ami me tjangovasi me yokukumuna tjimanga. 15 Nungwari tjinangara mba wombo okuya, orutuu ndwi maru ku tjivisa kutja eṱe ngatu ritjinde vi monganda ya Ndjambi. Onganda ndji oyo ombongo ya Ndjambi omunamuinyo; oyo ongunḓe nomazikameno wouatjiri. 16 Kape nomundu ngu ma sora okupataṋa kutja omaundikiro wongamburiro yetu owo, tjiri, omanene:
Jesus Kristus weya mouye momuhapo womundu,
wa varwa otja omusemba i Ombepo,
na munika kovaengeri;
eye wa zuvarisiwa mokati kaimba mbe he ri Ovajuda,
novandu mouparanga wouye auhe ave kambura mu ye,
neye a twarewa keyuru.
1 This is a true saying, If a man desire the office of a bishop, he desireth a good work. 2 A bishop then must be blameless, the husband of one wife, vigilant, sober, of good behaviour, given to hospitality, apt to teach; 3 Not given to wine, no striker, not greedy of filthy lucre; but patient, not a brawler, not covetous; 4 One that ruleth well his own house, having his children in subjection with all gravity; 5 (For if a man know not how to rule his own house, how shall he take care of the church of God?) 6 Not a novice, lest being lifted up with pride he fall into the condemnation of the devil. 7 Moreover he must have a good report of them which are without; lest he fall into reproach and the snare of the devil. 8 Likewise must the deacons be grave, not doubletongued, not given to much wine, not greedy of filthy lucre; 9 Holding the mystery of the faith in a pure conscience. 10 And let these also first be proved; then let them use the office of a deacon, being found blameless. 11 Even so must their wives be grave, not slanderers, sober, faithful in all things. 12 Let the deacons be the husbands of one wife, ruling their children and their own houses well. 13 For they that have used the office of a deacon well purchase to themselves a good degree, and great boldness in the faith which is in Christ Jesus. 14 These things write I unto thee, hoping to come unto thee shortly: 15 But if I tarry long, that thou mayest know how thou oughtest to behave thyself in the house of God, which is the church of the living God, the pillar and ground of the truth. 16 And without controversy great is the mystery of godliness: God was manifest in the flesh, justified in the Spirit, seen of angels, preached unto the Gentiles, believed on in the world, received up into glory.
