1 Embo ndika olyo ehokololo lyiiningwanima mbyoka Jesus Kristus e yi holola. Kalunga okwe mu pe ehololo ndika e li hololele aapiya yaKalunga shoka shi na okuningwa mbala. Kristus okwa tseyithile omupiya gwe Johannes iinima mbika, sho a tumu omuyengeli gwe kuye, 2 Johannes nokwa hokolola ashihe shoka e shi mono. Ndika olyo ehokololo tali hokolola elaka lya za kuKalunga noshili ndjoka Jesus Kristus e yi holola.
3 Omunelago oongoka ta lesha embo ndika; eeno, aanelago oomboka taa pulakene oohapu dhomahunganeko gomembo ndika e taa vulika kushoka sha nyolelwa mo. Oshoka ethimbo olya thikana, uuna iinima mbika ayihe yi na oku ka gwanithwa.
Omakundo komagongalo gaheyali
4 Johannes ota kundu omagongalo gaheyali gomuAsia:
Esilohenda nombili ya za kuKalunga, ngoka a li ko noku li ko note ya, nokoombepo heyali ndhoka dhi li poshipangelapundi she, 5 nokuJesus Kristus, omuhokololi omudhiginini, omutango mokuyumudhwa kuusi nomupangeli gwaakwaniilwa yokombanda yevi.
Jesus oku tu hole nokwe tu mangulula mo moondjo dhetu omolweso lye, 6 e te tu ningi ombala yaayambi yokulongela Kalunga He. Jesus Kristus na simanekwe ye na pangele aluhe sigo aluhe! Amen.
7 Tala, oye te ya te ende miikogo yokegulu! Kehe gumwe oku na oku mu mona, naambaka ye mu ulula noomboha. Aantu ayehe yokombanda yevi otaa ka lila, sho taye mu mono. Eeno shili! Amen.
8 “Ongame Alfa naOmega,” Omuwa Kalunga, Omunankondoadhihe osho ta ti, oongoka e li ko nokwa li ko note ya.
Emoniko
9 Ongame Johannes omumwanyoko, nomokulandula Jesus, onda faathana nane mokuhumbata neidhidhimiko omahepeko ngoka tage ya kumboka yomOshilongo she. Onda tulwa kontuntu yaPatmos molwaasho ndu uvitha oohapu dhaKalunga nonda hokolola Jesus. 10 Mesiku lyOmuwa onda kwatwa kOmbepo nondu uvu ewi enene lya fa lyenkuma tali popi konima yandje 11 tali ti: “Ayihe mbyoka to yi mono, yi nyolela membo e to li tumine komagongalo ngaka gaheyali: Efeso, Smirna, Pergamo, Tiatira, Sarde, Filadelfia naLaodikea.”
12 Nena ongame onda pungulukile lwaanima, ndi tale ngoka ta popitha ndje nonda mono ko iihukikwanyeka iheyali yoshingoli. 13 Mokati kiihukikwanyeka mbyoka onda mono mo gumwe a fa Omuna gwOmuntu, a zala onguwo onde ya tsa koompadhi, nokwi imanga epaya lyoshingoli pontulo. 14 Omafufu gokomutse gwe omatokele ga fa goonzi nenge ngaashi omahegele gomongwa, omeho ge oga li ga fa oohandje dhomulilo. 15 Oompadhi dhe odha adhima dha fa osheela oshikushu sha hanyekwa nosha yelithwa meziko, newi lye olya fa epopomo lyomeya omanene. 16 Oye oku na oonyothi heyali moshikaha she shokolulyo, nomokana ke omwa zi egongamwele lyoongenge mbali lya tsa. Oshipala she osha adhima ngaashi etango lyopokati komutenya. 17 Sho nde mu mono, ondi ihata pevi nda fa nda sa. Nena oye okwa tenteke ndje oshikaha she shokolulyo e ta ti: “Ino tila! Ongame omutango nomuhugunini. 18 Onda li nda sa, ihe ngashingeyi ondi na omwenyo. Tala, otandi kala ndi na omwenyo sigo aluhe. Ondi na oonkondo okupangela eso noshaasi. 19 Nyola ano iinima mbyoka u yi wete ngashingeyi naambyoka tayi ka ningwa komeho. 20 Efatululo lyoshiholekwa shoonyothi heyali ndhoka u dhi wete moshikaha shandje nolyiihukikwanyeka iheyali yoshingoli olyo ndika: oonyothi heyali odho aayengeli yomagongalo ngoka gaheyali, niihukikwanyeka iheyali oyo omagongalo gaheyali.”
1 This is what God showed to Jesus Christ, so that he could tell his servants what must happen soon. Christ then sent his angel with the message to his servant John. 2 And John told everything he had seen about God's message and about what Jesus Christ had said and done.
3 God will bless everyone who reads this prophecy to others, and he will bless everyone who hears and obeys it. The time is almost here.
4 From John to the seven churches in Asia.
I pray that you
will be blessed
with kindness and peace
from God, who is and was
and is coming.
May you receive
kindness and peace
from the seven spirits
before the throne of God.
5 May kindness and peace
be yours
from Jesus Christ,
the faithful witness.
Jesus was the first
to conquer death,
and he is the ruler
of all earthly kings.
Christ loves us,
and by his blood
he set us free
from our sins.
6 He lets us rule as kings
and serve God his Father
as priests.
To him be glory and power
forever and ever! Amen.
7 Look! He is coming
with the clouds.
Everyone will see him,
even the ones who stuck
a sword through him.
All people on earth
will weep because of him.
Yes, it will happen! Amen.
8 The Lord God says, “I am Alpha and Omega, the one who is and was and is coming. I am God All-Powerful!”
A Vision of the Risen Lord
9 I am John, a follower together with all of you. We suffer because Jesus is our king, but he gives us the strength to endure. I was sent to Patmos Island, because I had preached God's message and had told about Jesus. 10 On the Lord's day the Spirit took control of me, and behind me I heard a loud voice that sounded like a trumpet. 11 The voice said, “Write in a book what you see. Then send it to the seven churches in Ephesus, Smyrna, Pergamum, Thyatira, Sardis, Philadelphia, and Laodicea.”
12 When I turned to see who was speaking to me, I saw seven gold lampstands. 13 There with the lampstands was someone who seemed to be the Son of Man. He was wearing a robe that reached down to his feet, and a gold cloth was wrapped around his chest. 14 His head and his hair were white as wool or snow, and his eyes looked like flames of fire. 15 His feet were glowing like bronze being heated in a furnace, and his voice sounded like the roar of a waterfall. 16 He held seven stars in his right hand, and a sharp double-edged sword was coming from his mouth. His face was shining as bright as the sun at noon.
17 When I saw him, I fell at his feet like a dead person. But he put his right hand on me and said:
Don't be afraid! I am the first, the last, 18 and the living one. I died, but now I am alive forever, and I have the keys to death and the world of the dead. 19 Write what you have seen and what is and what will happen after these things. 20 I will explain the mystery of the seven stars you saw at my right side and the seven gold lampstands. The seven stars are the angels of the seven churches, and the lampstands are the seven churches.
