Ondjahi yaJona nesilohenda lyaKalunga
1 Jona okwa yematele shika nokwa geye. 2 Okwa galikana ngeyi: “Omuwa, inandi shi popya nale nani, manga inaandi za paandjetu, kutya oto ningi shino? Omolwashika onda li nda hala okuya ontuku kuSpania. Onda li ndi shi shi kutya ongoye Kalunga kohole nokesilohenda, aluhe omutalanteni, aluhe omunambili nowi ilongekidha aluhe okwiigaluluka noito geye. 3 Ngashingeyi, Omuwa, etha ndi se. Okusa oku vulile ndje okukala nomwenyo.”
4 Omuwa okwa yamukula: “Okugeya kwoye oku li tuu mondjila?”
5 Jona okwa piti mo a yi kuuzilo woshilando e ta kuutumba. Okwi idhikile etsali e ta gondjo momuzile gwalyo a tegelela, a mone Ninive sho tashi ningwa. 6 Nena Omuwa Kalunga okwa menitha olumono lwa koko edhelele nolwa siikile Jona, opo a kale u uvite hwepo momuzile gwalwo. Jona okwa li a nyanyukilwa olumono nokunyanyukililwa. 7 Ihe pokutenda kweluwa esiku lya landula ko Kalunga okwa tula ko epuka li thekeke po olumono nolwa si. 8 Etango sho lya piti, Kalunga okwa pepitha ombepo ompyuumpyuu yokuuzilo. Jona okwa li a lulilwa kuupyu woonte dhetango, sho dhe mu yaha momutse. Okwi ihalele okusa. Okwa ti: “Eso oli vulile ndje omwenyo.”
9 Kalunga okwa ti kuye: “Oshi li tuu mondjila okugeya omolwolumono?”
Jona okwa yamukula: “Eeno, oshi li mondjila, ndi kale nda geya nokwiihalela eso.”
10 Omuwa okwa ti kuye: “Olumono nduka olwa koko muusiku umwe nolwa si po muukwawo wa landula ko. 11 Ngoye ino lu kuna noino lu kokitha, ndele ngame ote kala ngiini, ndaa uvitile Ninive, oshilando oshinene, olukeno? Oshi na aanona ye vule 120 000, osho wo iimuna oyindji.”
Jonah Gets Angry with the Lord
1 Jonah was really upset and angry. 2 So he prayed:
Our Lord, I knew from the very beginning that you wouldn't destroy Nineveh. That's why I left my own country and headed for Spain. You are a kind and merciful God, and you are very patient. You always show love, and you don't like to punish anyone.
3 Now let me die! I'd be better off dead.
4 The Lord replied, “What right do you have to be angry?”
5 Jonah then left through the east gate of the city and made a shelter to protect himself from the sun. He sat under the shelter, waiting to see what would happen to Nineveh.
6 The Lord made a vine grow up to shade Jonah's head and protect him from the sun. Jonah was very happy to have the vine, 7 but early the next morning the Lord sent a worm to chew on the vine, and the vine dried up. 8 During the day the Lord sent a scorching wind, and the sun beat down on Jonah's head, making him feel faint. Jonah was ready to die, and he shouted, “I wish I were dead!”
9 But the Lord asked, “Jonah, do you have the right to be angry about the vine?”
“Yes, I do,” he answered, “and I'm angry enough to die.”
10 But the Lord said:
You are concerned about a vine that you did not plant or take care of, a vine that grew up in one night and died the next. 11 In that city of Nineveh there are more than 120,000 people who cannot tell right from wrong, and many cattle are also there. Don't you think I should be concerned about that big city?
