Rut te endelwa
1 Esiku limwe Naemi okwa ti kuRut: “Ondi na oku ku monena ombushiki, opo u mone elugo lyoye mwene. 2 Dhimbulukwa kutya omulumentu nguka Boas ngu gwaakiintu mwa teya nayo, omukwetu. Pulakena nduno ngashingeyi. Ongulohi yonena ota ka yungulitha iishokelya. 3 Iyoga ano e to igwayeke nde to zala nawa. Inda kolupale, ihe kambadhala, waa monike kuye, sigo naanaa a mana okulya nokunwa. 4 Tala mpoka ta ka lala nongele a pwile moomposi, inda u yeluthe ekumbyatha e to lala poompadhi dhe. Nena ote ku lombwele shoka u na oku shi ninga.”
5 Rut okwa yamukula: “Ote ningi ashihe to lombwele ndje.”
6 Rut okwa yi kolupale e ta ningi naanaa, ngaashi yinamweno e mu lombwele. 7 Boas sho a mana okulya nokunwa, okwa li a shambukwa. Okwa ka lala pondumba yiilya. Rut okwa gogonyotokele kuye e ta yelutha ekumbyatha e ta lala poompadhi dhe. 8 Pokati kuusiku Boas okwa haluka e ta punguluka nokwa mono kutya omukiintu a lala poompadhi dhe. 9 Okwe mu pula: “Ongoye lye?”
Omukiintu okwa yamukula: “Ongame omuntu gwoye Rut, tatekulu. Shoka ngoye ogwomezimo lyetu, osho oshinakugwanithwa shoye okusila ndje oshimpwiyu.”
10 Boas okwa ti: “Omuwa ne ku yambeke, mumwandje. Mushoka wa ningi ngashingeyi, owa holola ohole yuunezimo shi vule shoka wa ningile nyokomweno, sho inoo lambalala aalumentu aagundjuka, aayamba nenge oohepele. 11 Ino tila, Rut, otii ku ningile ashihe shoka to pula. Kehe omuntu moshilando shika okwa tseya kutya ngoye omukiintu wo opala. 12 Eeno, oshoshili, ngame omunezimo nguka ndi na oku ku sila oshimpwiyu, ihe ope na gumwe gwomekoto e vule ndje. 13 Kala mpaka uusiku mbuka. Ongula otatu tala, ngele te ku kutha po. Ngele te shi ningi, onawa, nongele ite shi ningi, nena ote gana kuKalunga omunamwenyo kutya otii ku sile oshimpwiyu. Lala ashike, u tege ku she.”
14 Osho Rut a lala poompadhi dhaBoas, ihe okwa penduka, manga inaaku sha nawa, oshoka Boas ka li a hala, shi tseyike kutya Rut okwe ya kolupale. 15 Boas okwa ti kuye: “Hula mo eguyo lyoye u liyale mpee.” Rut okwe shi ningi. Nena Boas okwa tile po oolata mbali dhiishokelya e te mu tsike kepepe lye. Rut okwa shuna koshilando. 16 Sho e ya kegumbo yinamweno okwe mu pula: “Oshe ende ngiini?”
Rut okwe mu hokololele ashihe e shi ningilwa kuBoas. 17 Okwa gwedha ko ta ti: “Okwa lombwele ndje kutya itandi ya niikaha yowala kungoye, omolwasho a pe ndje iishokelya mbika ayihe.”
18 Naemi okwa ti kuye: “Ngashingeyi idhidhimika, Rut, sigo to mono, ayihe mbika nkene tayi ende. Boas ita fudha, manga inaa tsakanitha oshinima shika.”
Naomi Makes Plans for Ruth
1 One day, Naomi said to Ruth:
It's time I found you a husband, who will give you a home and take care of you.
2 You have been picking up grain alongside the women who work for Boaz, and you know he is a relative of ours. Tonight he will be threshing the grain. 3 Now take a bath and put on some perfume, then dress in your best clothes. Go where he is working, but don't let him see you until he has finished eating and drinking. 4 Watch where he goes to spend the night, then when he is asleep, lift the cover and lie down at his feet. He will tell you what to do.
5 Ruth answered, “I'll do whatever you say.” 6 She went out to the place where Boaz was working and did what Naomi had told her.
7 After Boaz finished eating and drinking and was feeling happy, he went over and fell asleep near the pile of grain. Ruth slipped over quietly. She lifted the cover and lay down near his feet.
8 In the middle of the night, Boaz suddenly woke up and was shocked to see a woman lying at his feet. 9 “Who are you?” he asked.
“Sir, I am Ruth,” she answered, “and you are the relative who is supposed to take care of me. So spread the edge of your cover over me.”
10 Boaz replied:
The Lord bless you! This shows how truly loyal you are to your family. You could have looked for a younger man, either rich or poor, but you didn't. 11 Don't worry, I'll do what you have asked. You are respected by everyone in town.
12 It's true that I am one of the relatives who is supposed to take care of you, but there is someone who is an even closer relative. 13 Stay here until morning, then I will find out if he is willing to look after you. If he isn't, I promise by the living God to do it myself. Now go back to sleep until morning.
14 Ruth lay down again, but she got up before daylight, because Boaz did not want anyone to know she had been there. 15 Then he told her to spread out her cape. And he filled it with grain and placed it on her shoulder.
When Ruth got back to town, 16 Naomi asked her what had happened, and Ruth told her everything. 17 She also said, “Boaz gave me this grain, because he didn't want me to come back without something for you.”
18 Naomi replied, “Just be patient and don't worry about what will happen. He won't rest until everything is settled today!”
