Oondjambo dhiikulya
1 Ngele oku na omuntu ta yambele Omuwa ondjambo yiikulya, na ete uusila womunziya. Ne u nothele omagadhi gooholivi nokugwedha po iitsinino. 2 Ne u pe aana yaAaron aayambi. Omuyambi na kuthe mondjambo ombinga yokuyambelwa koshiyambelo, eke limwe lyuusila u na omagadhi niitsinino ayihe, e te yi lungunithile koshiyambelo. Olyo efikilondjambo li na ezimba lya nika nawa notali opalele Omuwa. 3 Oshihupe shondjambo yiikulya otashi ningi shaAaron noyana; osho oshiyapukilela, oshoka osha za kondjambo yiikulya ya yambelwa Omuwa.
4 Ngele oto yambele Omuwa ondjambo yiikulya ya pya peziko, nayi kale oshikwiila sha mbumbwakana inaashi tulwa efulika, sha ningwa nuusila womunziya, sha tulwa omagadhi gooholivi, nenge yi kale okakwiila ka pepuka ka gwayekwa omagadhi gooholivi.
5 Ngele oto yamba oshikwiila sha pya poshikangwa, nashi kale shuusila womunziya mwa tulwa omagadhi gooholivi, ihe ino tula mo efulika. 6 Shi nyanyagula e to tile ko omagadhi, uuna to shi yamba, shi ninge ondjambo yiikulya.
7 Ondjambo yiikulya ngele oya pya mombiga, nayi kale yuusila womunziya nomagadhi gooholivi. 8 Etela Omuwa ondjambo yiikulya ya longekidhwa ngeyi; yi gandja komuyambi, ngoka te yi fala koshiyambelo. 9 Omuyambi na kuthe mondjambo ombinga yokuyambelwa koshiyambelo e te yi lungunithile koshiyambelo. Oyo efikilondjambo li na ezimba lya nika nawa notali opalele Omuwa. 10 Shoka tashi hupu kondjambo yiikulya, oshaayambi; osho oshiyapukilela, oshoka osha za mondjambo yiikulya ya yambelwa Omuwa.
11 Oondjambo dhiikulya ndhoka to yambele Omuwa, ino tula mo efulika; ino longitha efulika nenge omagadhi goonyushi moondjambo dhiikulya tadhi yambelwa Omuwa. 12 Iinima mbika otayi vulu okweetelwa Omuwa moondjambo dhoshipe, ihe inayi lungunithilwa koshiyambelo. 13 Toya ondjambo kehe yiikulya nomongwa, oshoka omongwa otagu kalele po ehangano pokati keni naKalunga. (Ou na okutoya oondjambo dhoye adhihe nomongwa.) 14 Uuna to etele Omuwa ondjambo yoshipe shiilya, yamba omaha ga yaywa nenge iilya ya hompwa. 15 Yi nothela omagadhi gooholivi nokugwedha po iitsinino. 16 Omuyambi na lungunithe po ombinga ndjoka yoomuma nomagadhi yi na okuyambelwa koshiyambelo niitsinino ayihe, yi ninge ondjambo yiikulya ya yambelwa Omuwa.
Sacrifices To Give Thanks to the Lord
The Lord said:
1 When you offer sacrifices to give thanks to me, you must use only your finest flour. Put it in a dish, sprinkle olive oil and incense on the flour, 2 and take it to the priests from Aaron's family. One of them will scoop up the incense together with a handful of the flour and oil. Then, to show that the whole offering belongs to me, the priest will lay this part on the bronze altar and send it up in smoke with a smell that pleases me. 3 The rest of this sacrifice is for the priests; it is very holy because it was offered to me.
4 If you bake bread in an oven for this sacrifice, use only your finest flour, but without any yeast. You may make the flour into a loaf mixed with olive oil, or you may make it into thin wafers and brush them with oil.
5 If you cook bread in a shallow pan for this sacrifice, use only your finest flour. Mix it with olive oil, but do not use any yeast. 6 Then break the bread into small pieces and sprinkle them with oil. 7 If you cook your bread in a pan with a lid on it, you must also use the finest flour mixed with oil.
8 You may prepare sacrifices to give thanks in any of these three ways. Bring your sacrifice to a priest, and he will take it to the bronze altar. 9 Then, to show that the whole offering belongs to me, the priest will lay part of it on the altar and send it up in smoke with a smell that pleases me. 10 The rest of this sacrifice is for the priests; it is very holy because it was offered to me.
11 Yeast and honey must never be burned on the altar, so don't ever mix either of these in a grain sacrifice. 12 You may offer either of them separately, when you present the first part of your harvest to me, but they must never be burned on the altar.
13 Salt is offered when you make an agreement with me, so sprinkle salt on these sacrifices.
14 Freshly cut grain, either roasted or coarsely ground, must be used when you offer the first part of your grain harvest. 15 You must mix in some olive oil and put incense on top, because this is a grain sacrifice. 16 A priest will sprinkle all of the incense and some of the grain and oil on the altar and send them up in smoke to show that the whole offering belongs to me.
