Kalunga ta yambeke Jakob
1 Kalunga okwa lombwele Jakob a ti: “Inda kuBetel, u kale ko. Tungila ndje ko oshiyambelo, Kalunga ngoka nde ku ihololele, sho wa li to yi ontuku omumwanyoko Esau.”
2 Jakob okwa lombwele egumbo lye alihe naayehe mboka ya li puye ta ti: “Thigii po iikalunga ayihe iikwiilongo mbyoka mu na, iyapuleni ne mu zale oonguwo dha yela. 3 Otatu tembukeni po mpaka, tu ye kuBetel, nkoka tandi ka tungila Kalunga oshiyambelo, Kalunga ngoka a kwatha ndje methimbo lyuudhigu wandje naangoka a kala pungame shaa mpoka nda yile.” 4 Oyo noya gandja kuJakob iikalunga yawo ayihe mbyoka ya li ye yi na nosho wo uutenda womomakutsi mboka ya li ya zala. Oye nokwe u fumvike momwandi popepi naShekem.
5 Jakob noyana sho ya zi po, etilo enene olya kwata aantu yomiilando yopopepi, yo inaye ya landula. 6 Jakob okwe ya naantu ye ayehe puLus, ngashingeyi oBetel, mevi lyaKaanan. 7 Okwa tungu oshiyambelo e ta luku ehala Kalunga kaBetel, oshoka Kalunga okwe mu ihololele hoka, sho a li ta yi mumwayina ondapo. 8 Omuyamuthi gwaRebekka, Debora okwa si nokwa fumvikwa momwandi kuumbugantu waBetel. Onkee gwi ithanwa “Omwandi gwokulila oosa.”
9 Jakob sho a galuka kuMesopotamia, Kalunga okwe mu ihololele ishewe e te mu yambeke. 10 Kalunga okwa ti kuye: “Edhina lyoye oJakob, ihe okuza konena otali ningi Israel.” Osho ngaaka Kalunga e mu luku Israel. 11 Kalunga okwa ti kuye: “Ongame Kalunga Omunankondoawike. Kala u na oluvalo olwindji. Iigwana nayi ze moluvalo lwoye, oto ka ninga hekulu yaakwaniilwa. 12 Otandi ku pe evi ndyoka nda pele Abraham naIsak, notandi li pe oluvalo lwoye talu ku landula.” 13 Nena Kalunga okwe mu thigi po a yi. 14 Peha mpoka Kalunga e mu popitha, Jakob okwa dhike po endhindhilikomanya e te li yapula noku li tila omaviinu nomagadhi gooholivi. 15 Ehala okwe li luku Betel.
Eso lyaRakel
16 Jakob naantu ye oya tembuka po puBetel, nomanga ya li natango oshinano shimwe okuza kuEfrata, ethimbo olya thikana, Rakel a vale okanona; okwa li e na oshitheta oshilulu. 17 Oshitheta sho sha li tashi lundalala mokuvala, omuvalithi okwa ti kuye: “Rakel, ino tila, owa eta ko omumati ishewe.” 18 Ihe okwa li nokuli pokusa, nopethimbo ta fudha mo omufudho gwe gwahugunina, okwa luku omwana Benoni, ihe he okwe mu luku Benjamin.
19 Rakel sho a si, okwa fumvikwa pondjila yu uka kuEfrata, ngashingeyi oBetlehem. 20 Jakob okwa dhike po endhindhilikomanya pombila ye; olyo endhindhiliko lyombila yaRakel sigo onena. 21 Jakob okwa humu ko e ta ka yunga ontanda peha lilwe handiyaka yaEder.
Aana yaJakob
(1 Ondjal. 2:1-2)22 Jakob manga a li moshilongo shika, Reuben okwa lala naBilha, omudhike gwahe. Jakob okwe shi uvu nokwa li a thita po kondjahi.
Jakob okwa li e na oyana aamati omulongo nayaali. 23 Aana yaLea oyo Reuben (osheeli shaJakob), Simeon, Levi, Juda, Issaskar naSebulon. 24 Aana yaRakel oyo Josef naBenjamin. 25 Aana yaBilha, omupika gwaRakel, oyo Dan naNaftali. 26 Aana yaSilpa, omupika gwaLea, oyo Gad naAser. Aanona mbaka oya valelwa muMesopotamia.
Eso lyaIsak
27 Jakob okwa yi kuhe Isak kuMamre, popepi naHebron, nkoka Abraham naIsak ya li ya kala. 28 Isak okwa li e na omwenyo omimvo ethele nomilongo hetatu. 29 Oye okwa si muukulupe uunene nokwa li a kuta omwenyo, sho a gongelwa poohekulu. Oyana Esau naJakob oye mu fumvike.
Jacob Returns to Bethel
1 God told Jacob, “Return to Bethel, where I appeared to you when you were running from your brother Esau. Make your home there and build an altar for me.”
2 Jacob said to his family and to everyone else who was traveling with him:
Get rid of your foreign gods! Then make yourselves acceptable to worship God and put on clean clothes. 3 Afterwards, we'll go to Bethel. I will build an altar there for God, who answered my prayers when I was in trouble and who has always been at my side.
4 So everyone gave Jacob their idols and their earrings, and he buried them under the oak tree near Shechem.
5 While Jacob and his family were traveling through Canaan, God terrified the people in the towns so much that no one dared bother them. 6 Finally, they reached Bethel, also known as Luz. 7 Jacob built an altar there and called it “God of Bethel,” because that was the place where God had appeared to him when he was running from Esau. 8 While they were there, Rebekah's personal servant Deborah died. They buried her under an oak tree and called it “Weeping Oak.”
God Blesses Jacob at Bethel
9-11 After Jacob came back to the land of Canaan, God appeared to him again. This time he gave Jacob a new name and blessed him by saying:
I am God All-Powerful, and from now on your name will be Israel instead of Jacob. You will have many children. Your descendants will become nations, and some of the men in your family will even be kings. 12 I will give you the land that I promised Abraham and Isaac, and it will belong to your family forever.
13 After God had gone, 14 Jacob set up a large rock, so that he would remember what had happened there. Then he poured wine and olive oil on the rock to show that it was dedicated to God, 15 and he named the place Bethel.
Benjamin Is Born
16 Jacob and his family had left Bethel and were still a long way from Ephrath, when the time came for Rachel's baby to be born. 17 She was having a rough time, but the woman who was helping her said, “Don't worry! It's a boy.” 18 Rachel was at the point of death, and right before dying, she said, “I'll name him Benoni.” But Jacob called him Benjamin.
19 Rachel was buried beside the road to Ephrath, which is also called Bethlehem. 20 Jacob set up a tombstone over her grave, and it is still there. 21 Jacob, also known as Israel, traveled to the south of Eder Tower, where he set up camp.
22 During their time there, Jacob's oldest son Reuben slept with Bilhah, who was one of Jacob's other wives. And Jacob found out about it.
Jacob's Twelve Sons
23-26 Jacob had twelve sons while living in northern Syria. His first-born Reuben was the son of Leah, who later gave birth to Simeon, Levi, Judah, Issachar, and Zebulun. Leah's servant Zilpah had two sons: Gad and Asher.
Jacob and his wife Rachel had Joseph and Benjamin. Rachel's servant woman Bilhah had two more sons: Dan and Naphtali.
Isaac Dies
27 Jacob went to his father Isaac at Hebron, also called Mamre or Kiriath-Arba, where Isaac's father Abraham had lived as a foreigner. 28-29 Isaac died at the ripe old age of 180, then his sons Esau and Jacob buried him.
