Elongelokalunga lyomegulu
1 Ngame onda mono emoniko ekwawo, omweelo gwe eguluka megulu. Ngame nondu uvu ewi ndyoka lya popithile ndje nale, lya fa ewi lyenkuma lya ti: “Ila huka pombanda, ongame notandi ku ulukile shoka tashi ka landula konima yaashika.” 2 Mbalambala onda kwatwa kOmbepo. Megulu onda mono mo oshipangelapundi nagumwe a kuutumba ko. 3 Oshipala she sha adhima ongomamanya ge na ondilo gajaspes nakarneli. Oshipangelapundi osha li sha dhingolokwa kuutamvula wolwaala lwa fa emanya lyasmaragdi, 4 nosha kundukidhwa kiipangelapundi iikwawo omilongo mbali niine, hoka kwa li kwa kuutumba aakuluntu omilongo mbali nayane ya zala oonguwo oontokele niishani yoshingoli komitse. 5 Moshipangelapundi omwa li tamu zi oombadhi, omawi nomundundumo. Komeho goshipangelapundi okwa li ku na oonyeka heyali dha tema, odho oombepo heyali dhaKalunga. 6 Okwa li wo ku na sha shoka tashi monika sha fa efuta tali tayima ngekende lyokristali.
Koombinga adhihe dhoshipangelapundi okwa li ku na iinamwenyo ine yi na omeho ogendji komeho nokonima. 7 Oshinamwenyo shotango osha li sha fa onime, oshitiyali osha fa ontana, oshititatu osha li shi na oshipala sha fa shomuntu noshitine osha li sha fa ontsa tayi tuka. 8 Kehe shimwe shomiinamwenyo mbika ine osha li shi na omawawa gahamano ge na omeho ogendji meni nokombanda. Oyo ohayi imbi uusiku nomutenya, yaa na ezimbuko tayi ti:
“Omuyapuki, omuyapuki, omuyapuki,
Omuwa Kalunga Omunankondoadhihe,
ngoka a li ko noku li ko note ya.”
9 Shaa tuu iinamwenyo mbyoka ine tayi eta ehambelelo, esimano nepandulo kungoka a kuutumba koshipangelapundi e na omwenyo sigo aluhe, 10 nena aakuluntu omilongo mbali nayane otaa tsile wo oongolo ngoka ta kala e na omwenyo sigo aluhe. Oyo ohaa umbile iishani yawo poshipangelapundi e taa ti:
11 “Omuwa, Kalunga ketu!
Owa gwana okusimanekwa omolweadhimo, esimano noonkondo,
oshoka ongoye wa shiti iinima ayihe,
nokehalo lyoye oyi li po noyi na omwenyo!”
Worship in Heaven
1 After this, I looked and saw a door that opened into heaven. Then the voice that had spoken to me at first and that sounded like a trumpet said, “Come up here! I will show you what must happen next.” 2 Right then the Spirit took control of me, and there in heaven I saw a throne and someone sitting on it. 3 The one who was sitting there sparkled like precious stones of jasper and carnelian. A rainbow that looked like an emerald surrounded the throne.
4 Twenty-four other thrones were in a circle around that throne. And on each of these thrones there was an elder dressed in white clothes and wearing a gold crown. 5 Flashes of lightning and roars of thunder came out from the throne in the center of the circle. Seven torches, which are the seven spirits of God, were burning in front of the throne. 6 Also in front of the throne was something that looked like a glass sea, clear as crystal.
Around the throne in the center were four living creatures covered front and back with eyes. 7 The first creature was like a lion, the second one was like a bull, the third one had the face of a human, and the fourth was like a flying eagle. 8 Each of the four living creatures had six wings, and their bodies were covered with eyes. Day and night they never stopped singing,
“Holy, holy, holy is the Lord,
the all-powerful God,
who was and is
and is coming!”
9 The living creatures kept praising, honoring, and thanking the one who sits on the throne and who lives forever and ever. 10 At the same time the 24 elders knelt down before the one sitting on the throne. And as they worshiped the one who lives forever, they placed their crowns in front of the throne and said,
11 “Our Lord and God,
you are worthy
to receive glory,
honor, and power.
You created all things,
and by your decision they are
and were created.”
