Omuwa na pandulwe
1 Halleluja! Hambeleleni Omuwa!
Onda hala okupandula Omuwa nomwenyo aguhe,
omegongalo lyaantu ye.
2 Iilonga yOmuwa iikumithi ngiini!
Ayehe mboka ye yi hokwa,
ohaa kala noku yi dhiladhila.
3 Ashihe shoka te shi longo,
oshi na esimano nomutumbo;
uuyuuki we otau kala aluhe.
4 Iilongankondo yOmuwa itayi dhimbiwa;
oye omunamutimahenda
nomunalukeno.
5 Mboka haye mu simaneke,
ote ya pe iipalutha;
ita dhimbwa ehangano lye sigo aluhe.
6 Aantu ye ote ya ulukile iilonga ye iikumithi,
sho te ya pe iilongo yiigwana yilwe.
7 Iilonga ye ayihe oyoshili noyu uka,
niipango ye oyi shi kwiinekelwa.
8 Oya kola sigo aluhe;
oyi lile po oshili nuuyuuki.
9 Okwa hupitha aantu ye
nokwa hangana nayo sigo aluhe.
Oye omuyapuki nomunankondo!
10 Okutila Omuwa okwo ekota lyuunongo;
Omuwa ota nongeke ayehe mboka haa vulika kuye.
Na simanekwe aluhe sigo aluhe!
Praise the Lord for All He Has Done
1 Shout praises to the Lord!
With all my heart
I will thank the Lord
when his people meet.
2 The Lord has done
many wonderful things!
Everyone who is pleased
with God's marvelous deeds
will keep them in mind.
3 Everything the Lord does
is glorious and majestic,
and his power to bring justice
will never end.
4 The Lord God is famous
for his wonderful deeds,
and he is kind and merciful.
5 He gives food to his worshipers
and always keeps his agreement
with them.
6 He has shown his mighty power
to his people
and has given them the lands
of other nations.
7 God is always honest and fair,
and his laws can be trusted.
8 They are true and right
and will stand forever.
9 God rescued his people,
and he will never break
his agreement with them.
He is fearsome and holy.
10 Respect and obey the Lord!
This is the first step
to wisdom and good sense.
God will always be respected.
