Uuyapuki waayambi
1 Omuwa okwa lombwele Moses a lombwele aana yaAaron aayambi a tye: “Hamuyambi ti inyateke tuu nande, a ye komafumviko goonakusa, 2 kakele kayina, he, omwanamati, omwanakadhona, omumwayina omulumentu 3 nenge omumwayina omukiintu inaa hokanwa a kala maandjawo. 4 Ini ikwatitha oshidhila peso lyomukwezimo.
5 “Kape na omuyambi ti ikulula epalu nenge a kulule oombenzi dhe epalu nenge i ishatithe molutu. 6 Na kale omuyapuki noina sitha edhina lyandje ohoni. Oha yambele ndje oondjambo dhiikulya, noku na okukala omuyapuki. 7 Omuyambi ke na okuhokana omukiintu ohonda nenge omukiintu kee shi omukadhonalela nenge omukulukadhi a hengwa; omuyambi oye omuyapuki. 8 Aantu naa tale omuyambi kutya omuyapuki, oshoka ota yambele ndje oondjambo dhiikulya. Ongame Omuwa, ngame omuyapuki notandi yapula aantu yandje. 9 Ngele ope na omuna gwomuyambi omukiintu ta ningi ohonda, ota sitha he ohoni; na fikwe po a se.
10 “Omuyambimukuluntu, ngoka a tilwa omagadhi gokugwaya komutse nokwa yapulilwa okuzala oonguwo dhuuyambi, ina etha nando omafufu ge ga shindalale nenge a tuule oonguwo dhe mokulila oosa. 11 Ina hedha komudhimba, nando nagu kale ogwahe nenge gwayina, ini ikwatitha oshidhila. 12 Ina pita mo metsalihangano a ye komudhimba, opo kaa nyateke etsali eyapuki lyaKalunga ke, oshoka eyapulo lyomagadhi gokugwaya gaKalunga ke oli li kuye. Ongame Omuwa. 13 Na hokane omukadhonalela, 14 hamuselekadhi nenge omukulukadhi a hengwa nenge omukiintu ohonda. Na hokane ashike omukadhonalela gwomoludhi lwe mwene, 15 opo kaa nikithe oluvalo lwe oshidhila. Ongame Omuwa nonde mu yoolola a ninge omuyambimukuluntu.”
16 Omuwa okwa lombwele Moses ta ti: 17 “Lombwela Aaron to ti: ‘Kape na gumwe gwomoluvalo lwoye ngoka e na oshipo molutu lwe, ta vulu okuyambela ndje oondjambo dhiikulya. Shika otashi kala aluhe sigo aluhe. 18 Kape na omuntu e na oshipo ta yamba oondjambo, ngele omuposi, oshilema, e na oshipo moshipala nenge molutu, 19 Oshintimbukugulu nenge oshintimbukaha, 20 omuntu a tya okankundundu nenge eyungu, e na omeho goongala, olwaga, oshilundu nenge omatupa ge ga mona oshiponga. 21 Kape na omuntu gwomoluvalo lwaAaron ta ningi omuyambi ngoka e na oshipo molutu, a yambele ndje oondjambo dhiikulya. 22 Omuntu a tya ngaaka ota vulu ngaa okulya iikulya ayihe ya yambelwa ndje, oondjambo dhiikulya oondjapuki noondjambo oondjapukilela. 23 Ihe oshoka e na oshipo molutu lwe, ina hedha ketopolitho eyapuki nenge koshiyambelo. Oye kee na okushundula iinima yandje iiyapuki, oshoka ongame Omuwa, ongame tandi yi yapula.’ ”
24 Moses okwe shi lombwele Aaron noyana nosho wo Aaisraeli ayehe.
Instructions for Priests
1 The Lord gave Moses these instructions for Aaron's sons, the priests:
Touching a dead body will make you unclean. So don't go near a dead relative, 2 except your mother, father, son, daughter, brother, 3 or an unmarried sister, who has no husband to take care of her. 4 Don't make yourself unclean by attending the funeral of someone related to you by marriage. 5 Don't shave any part of your head or trim your beard or cut yourself to show that you are mourning. 6 I am the Lord your God, and I have chosen you alone to offer sacrifices of food to me on the altar. That's why you must keep yourselves holy. 7 Don't marry a divorced woman or a woman who has served as a temple prostitute. You are holy, 8 because I am holy. And so, you must be treated with proper respect, since you offer food sacrifices to me, the God of holiness.
9 If any of you priests has a daughter who disgraces you by serving as a temple prostitute, she must be burned to death.
10 If you are the high priest, you must not mess up your hair or tear your clothes in order to mourn for the dead. 11 Don't make yourself unclean by going near a dead body, not even that of your own father or mother. 12 If you leave the sacred place to attend a funeral, both you and the sacred place become unclean, because you are the high priest.
13 If you are the high priest, you must marry only a virgin 14 from your own tribe. Don't marry a divorced woman or any other woman who has already had sex, including a temple prostitute. 15 In this way, your descendants will be qualified to serve me. Remember—I am the Lord, and I have chosen you.
16 The Lord told Moses 17-18 to say to Aaron:
No descendant of yours can ever serve as my priest if he is blind or lame, if his face is disfigured, if one leg is shorter than the other, 19 if either a foot or a hand is paralyzed, 20 if he is a hunchback or a dwarf, if an eye or his skin is diseased, or if his testicles have been damaged. 21 These men may not serve as my priests and burn sacrifices to me. 22 They may eat the food offerings presented to me, 23 but they may not enter the sacred place or serve me at the altar. Remember—I am the Lord, the one who makes a priest holy.
24 Moses told all of this to Aaron, his sons, and the people of Israel.
