Epulo kombinga yiikulya ya yambelwa iikalunga
1 Ngashingeyi ote popi kombinga yonyama ya yambelwa iikalunga. Osho oshipu okudhiladhila kutya tseni atuheni otwa tseya, ohula oshike. Ihe okutseya otaku fala omuntu meinenepeko, nohole otayi tungu. 2 Omuntu ngoka ta dhiladhila kutya oshinima shontumba oku shi shi, ke na naanaa ontseyo ya gwana. 3 Ihe ngoka e hole Kalunga, okwa tseyika wo kuKalunga.
4 Kombinga yokulya onyama ndjoka ya yambelwa iikalunga, tse otwa tseyeni kutya iikalunga oyo iinima ihaayi kwatha sha. Tse otu shi shi kutya oku na owala Kalunga gumwe. 5 Oku na ngaa mbyoka haku tiwa “ookalunga”, ongele megulu nenge kombanda yevi. Ihe nando oku na “ookalunga” oyendji “naawa” oyendji, 6 tseni otu na owala Kalunga gumwe. Oye Tate yetweni, omushiti gwiinima ayihe, mungoka tu na ethikilo. Otu na wo Omuwa gumwe awike, Jesus Kristus, ngoka Kalunga e mu shititha iinima ayihe, notu li po omolwe.
7 Ihe haayehe ya tseya oshili ndjika. Aantu yamwe oyi igilila iikalunga. Onkee ano sigo onena ndjika ngele taa li onyama ya tya ngeyi, otaye yi dhiladhila kutya oya yambelwa iikalunga. Eiyuvo lyawo enkundi noyu uvite taa nyatekwa kiikulya ya tya ngaaka. 8 Iikulya itayi vulu nando oku tu hedhitha popepi naKalunga. Itatu kanitha sha, ngele itatu li iikulya mbyoka; itatu likola wo sha, ngele tatu yi li.
9 Kotokeni ano, emanguluko lyeni okutokola oshinima shika lyaa fale aantu mboka aankundi muulunde. 10 Oshoka omuntu ngoka e na eiyuvo enkundi moshinima shika, ngele ta mono ngoka e na owino, ta li iikulya motempeli yoshikalunga, omunkundi a tya ngaaka ita tsuwa omukumo okulya iikulya mbyoka ya yambelwa iikalunga? 11 Ano mukweni a tya ngaaka omunkundi, ngoka Kristus a si wo omolwe, ota kana molwowino woye. 12 Ngele tamu yono ngaaka kuyakweni mboka notamu nkundipaleke eiyuvo lyawo, otamu yono kuKristus. 13 Ngele iikulya yontumba otayi fala mukwetu muulunde, nena ngame kombinga yandje itandi li we onyama, opo ndaa fale mukwetu muulunde.
Food Offered to Idols
1 In your letter you asked me about food offered to idols. All of us know something about this subject. But knowledge makes us proud of ourselves, while love makes us helpful to others. 2 In fact, people who think they know so much don't know anything at all. 3 But God has no doubts about who loves him.
4 Even though food is offered to idols, we know that none of the idols in this world are alive. After all, there is only one God. 5 Many things in heaven and on earth are called gods and lords, but none of them really are gods or lords. 6 We have only one God, and he is the Father. He created everything, and we live for him. Jesus Christ is our only Lord. Everything was made by him, and by him life was given to us.
7 Not everyone knows these things. In fact, many people have grown up with the belief that idols have life in them. So when they eat meat offered to idols, they are bothered by a weak conscience. 8 But food doesn't bring us any closer to God. We are no worse off if we don't eat, and we are no better off if we do.
9 Don't cause problems for someone with a weak conscience, just because you have the right to eat anything. 10 You know all this, and so it doesn't bother you to eat in the temple of an idol. But suppose a person with a weak conscience sees you and decides to eat food that has been offered to idols. 11 Then what you know has destroyed someone Christ died for. 12 When you sin by hurting a follower with a weak conscience, you sin against Christ. 13 So if I hurt one of the Lord's followers by what I eat, I will never eat meat as long as I live.
