Okusimaneka Omushiti
1 Mwenyo gwandje, hambelela Omuwa.
Omuwa Kalunga kandje, ongoye omunene ngiini!
Owa zala esimano neadhimo;
2 owi isiikila uuyelele.
Owa yala egulu ngaashi othayila
3 nowa tungile egumbo lyoye
mokati komeya gokombanda.
Iikogo owe yi ningi ya fa etemba lyoye lyokweenda mo,
nombepo omawawa goye gokutuka.
4 Iihomo yombepo oto yi ningi aatumwa yoye,
noombadhi aapiya yoye.
5 Evi owe li tula komakankameno ga kola,
itali tenguka.
6 Kombanda yalyo owa yala ko efuta ngaashi onguwo;
omeya galyo oga tumba ge vule oondundu.
7 Sho wi iganda, omeya oga yi ontuku;
oga fadhuka po,
sho gu uvu endundumo lyelombwelo lyoye.
8 Oga kunguluka ga zi koondundu
nokuuka momasilu, okomahala nkoka we ga uthile.
9 Owe ga dhikile oongamba itaadhi kondwa,
nowe ga ngambeke kaaga siikile we evi.
10 Owa tula oothithiya momasilu
nowa palele omilonga pokati koondundu.
11 Otadhi gandja omeya kiiyamakuti;
uusino womokuti otau zi enota.
12 Momiti dhopooha dhomeya
uudhila otau tungile mo iihandhila
e tau nyanyukwa.
13 Miikogo otamu zi omvula tayi loko koondundu;
evi olya kuta omayambeko goye.
14 Oto menitha omwiidhi gwiimuna
niimeno yokukwatha aantu,
sho to ya menithile mevi iipalutha.
15 Omaviinu otaga nyanyudha omuntu,
omagadhi otaga adhimitha oshipala,
niikulya otayi pe omuntu oonkondo oompe.
16 Omisendeli dhaLibanon odha lokwa omvula oyindji;
odho omiti dhOmuwa e dhi kuna.
17 Uudhila otau tungile mo iihandhila yawo,
nomandoko otaga tungile mo wo.
18 Uupundja otau ende koondundu,
nuuhele oko tau holama.
19 Owa shiti omwedhi okuutha omathimbo;
etango oli shi ethimbo lyokuningina kwalyo.
20 Owa tula ko uusiku;
momilema iikwakuti ayihe otayi hituluka.
21 Oonimegona ohadhi pumbu,
sho tadhi kongo iikulya;
Kalunga ote dhi pe iipalutha yadho.
22 Shaa tuu etango tali piti,
ayihe otayi shuna yi ka lale komahala gayo.
23 Ihe aantu otaa penduka, ya ye kiilonga,
notaa longo sigo okomatango.
24 Omuwa, owa shiti iinima oyindji!
Tala nkene wa shiti ayihe noondunge!
Evi olyu udha iishitwa yoye.
25 Tala efuta enene lya mbwalangandja,
omu na iinamwenyo yaa shi kuyalulwa,
iinene niishona.
26 Oosikepa otadhi ende mefuta;
Leviatan ndjoka wa shiti, otayi dhanene mo.
27 Ayihe mbika otayi ligamene kungoye,
u yi pe iipalutha pethimbo.
28 Oto yi pe e tayi taamba;
oto yi palutha e tayi kuta.
29 Uuna to yi etha, otayi haluka;
ngele to kutha po omufudho gwayo, otayi si
notayi shuna montsi yevi.
30 Ihe ngele to yi pe omufudho,
nena otayi shitwa;
oto pepaleke olupe lwevi.
31 Esimano lyOmuwa nali kale sigo aluhe!
Omuwa na nyanyukilwe eshito lye!
32 Oye okwa tala evi, olyo nolya kakama;
okwa gumu oondundu, odho nodha kungu omulilo.
33 Onda hala okwiimbila Omuwa omasiku gandje agehe;
onda hala okuhambelela Kalunga kandje,
manga ndi na omwenyo.
34 Omuwa na taambe ndje, sho tandi mu dhiladhila;
otandi nyanyukilwa Omuwa.
35 Aalunde naa kane ko kombanda yevi,
naakaanakalunga inaa monika ko we.
Omwenyo gwandje, hambelela Omuwa!
Halleluja!
In Praise of the Creator
1 Praise the Lord, my soul!
O Lord, my God, how great you are!
You are clothed with majesty and glory;
2 you cover yourself with light.
You have spread out the heavens like a tent
3 and built your home on the waters above.
You use the clouds as your chariot
and ride on the wings of the wind.
4 You use the winds as your messengers
and flashes of lightning as your servants.
5 You have set the earth firmly on its foundations,
and it will never be moved.
6 You placed the ocean over it like a robe,
and the water covered the mountains.
7 When you rebuked the waters, they fled;
they rushed away when they heard your shout of command.
8 They flowed over the mountains and into the valleys,
to the place you had made for them.
9 You set a boundary they can never pass,
to keep them from covering the earth again.
10 You make springs flow in the valleys,
and rivers run between the hills.
11 They provide water for the wild animals;
there the wild donkeys quench their thirst.
12 In the trees near by,
the birds make their nests and sing.
13 From the sky you send rain on the hills,
and the earth is filled with your blessings.
14 You make grass grow for the cattle
and plants for us to use,
so that we can grow our crops
15 and produce wine to make us happy,
olive oil to make us cheerful,
and bread to give us strength.
16 The cedars of Lebanon get plenty of rain—
the Lord's own trees, which he planted.
17 There the birds build their nests;
the storks nest in the fir trees.
18 The wild goats live in the high mountains,
and the rock badgers hide in the cliffs.
19 You created the moon to mark the months;
the sun knows the time to set.
20 You made the night, and in the darkness
all the wild animals come out.
21 The young lions roar while they hunt,
looking for the food that God provides.
22 When the sun rises, they go back
and lie down in their dens.
23 Then people go out to do their work
and keep working until evening.
24 Lord, you have made so many things!
How wisely you made them all!
The earth is filled with your creatures.
25 There is the ocean, large and wide,
where countless creatures live,
large and small alike.
26 The ships sail on it, and in it plays Leviathan,
that sea monster which you made.
27 All of them depend on you
to give them food when they need it.
28 You give it to them, and they eat it;
you provide food, and they are satisfied.
29 When you turn away, they are afraid;
when you take away your breath, they die
and go back to the dust from which they came.
30 But when you give them breath, they are created;
you give new life to the earth.
31 May the glory of the Lord last forever!
May the Lord be happy with what he has made!
32 He looks at the earth, and it trembles;
he touches the mountains, and they pour out smoke.
33 I will sing to the Lord all my life;
as long as I live I will sing praises to my God.
34 May he be pleased with my song,
for my gladness comes from him.
35 May sinners be destroyed from the earth;
may the wicked be no more.
Praise the Lord, my soul!
Praise the Lord!
