Egalikano lyehambelelo
Episalomi lyaDavid
1 Omuwa oye uuyelele nomuhupithi gwandje;
itandi tila nando olye.
Omuwa ota gamene ndje kiiponga ayihe;
itandi mbandama.
2 Aakolokoshi ngele taa ponokele ndje
noya hala okudhipaga ndje,
otaa punduka e taa gwile po.
3 Nonando etanga lyaakwiita li kondeke ndje,
itaa vulu okutilitha ndje.
Nonando aatondi yandje ya matukile ndje,
natango otandi inekele Kalunga,
4 Omuwa onde mu indile ompumbwe yimwe;
ondi na oshinima shimwe ashike nde shi hala:
okukala mongulu yOmuwa okukalamwenyo kwandje akuhe,
okunyanyudhwa kuuwanawa we nokupula ewiliko lye.
5 Methimbo lyuudhigu ota shigi ndje;
ota gamene ndje motempeli ye
e ta londeke ndje kemanya ele.
6 Aatondi mbono ya kundukidha ndje,
otandi ke ya sinda.
Nokwiimba ekandanga,
otandi ke etela Omuwa omayambo motempeli ye;
otandi ki imba te hambelele Omuwa.
7 Omuwa, uva ndje, sho tandi ku ithana!
Sila ndje ohenda
e to yamukula ndje!
8 Sho wa ti:
“Ileni, mu simaneke ndje,”
ngame onda yamukula:
“Otandi ya, Omuwa;
9 ino holeka ndje oshipala shoye!”
Ino geela ndje;
ino tidha po omuntu gwoye.
Noshito owa kala ekwatho lyandje;
ino etha ndje,
ngoye ino thiga ndje po,
Kalunga, omuhupithi gwandje.
10 Tate nameme otaa vulu okweetha ndje,
ihe Omuwa ota sile ndje oshimpwiyu.
11 Omuwa, longa ndje okulandula ehalo lyoye,
enditha ndje nondjila yaa na iiponga,
oshoka ondi na aatondi oyendji.
12 Ino ethela ndje miikaha yaamboka ye tonde ndje,
mboka taa ponokele ndje niifundja nomatilitho.
13 Ondi shi shi kutya ote kala ndi na omwenyo
nokumona uuwanawa wOmuwa mokukalamwenyo huka kwongashingeyi.
14 Inekela Omuwa.
Itaala, ino limbililwa.
Inekela Omuwa.
A Prayer of Praise
1 The Lord is my light and my salvation;
I will fear no one.
The Lord protects me from all danger;
I will never be afraid.
2 When evil people attack me and try to kill me,
they stumble and fall.
3 Even if a whole army surrounds me,
I will not be afraid;
even if enemies attack me,
I will still trust God.
4 I have asked the Lord for one thing;
one thing only do I want:
to live in the Lord's house all my life,
to marvel there at his goodness,
and to ask for his guidance.
5 In times of trouble he will shelter me;
he will keep me safe in his Temple
and make me secure on a high rock.
6 So I will triumph over my enemies around me.
With shouts of joy I will offer sacrifices in his Temple;
I will sing, I will praise the Lord.
7 Hear me, Lord, when I call to you!
Be merciful and answer me!
8 When you said, “Come worship me,”
I answered, “I will come, Lord.”
9 Don't hide yourself from me!
Don't be angry with me;
don't turn your servant away.
You have been my help;
don't leave me, don't abandon me,
O God, my savior.
10 My father and mother may abandon me,
but the Lord will take care of me.
11 Teach me, Lord, what you want me to do,
and lead me along a safe path,
because I have many enemies.
12 Don't abandon me to my enemies,
who attack me with lies and threats.
13 I know that I will live to see
the Lord's goodness in this present life.
14 Trust in the Lord.
Have faith, do not despair.
Trust in the Lord.
