Okupula ewiliko negameno
Episalomi lyaDavid
1 Otandi ku indile, Omuwa;
2 Kalunga kandje, onde ku inekela.
Ino ethela ndje mohoni yesindiko;
aatondi yandje yaa shi nyanyukilwe.
3 Mboka taa ku inekele, itaa sindika,
kakele kaamboka taa ku iteka nziya.
4 Omuwa, longa ndje oondjila dhoye;
dhi yelithila ndje.
5 Longa ndje okukala moshili yoye,
oshoka ongoye Kalunga kandje,
omuhupithi gwandje.
Ngame onde ku inekela aluhe.
6 Omuwa, dhimbulukwa olukeno
nohole yoye yaaluhe,
ndjoka we yi holola nale.
7 Dhimina ndje po oondjo nomapuko gomuugundjuka.
Dhimbulukwa ndje, Omuwa,
omoluuwanawa nomolwohole yoye onene.
8 Omuwa oye omuyuuki nomwaanawa,
aalunde ote ya longo ondjila ndjoka ye na oku yi landula.
9 Aayishonopeki ote ya tula mondjila yu uka
note ya longo okutseya ehalo lye.
10 Nuudhiginini nohole
ote enditha ayehe mboka haa dhama ehangano lye
nohaa vulika kiipango ye.
11 Omuwa, dhima po oondjo dhandje
pauvaneko lyoye, oshoka odhindji.
12 Mboka haa vulika kOmuwa,
ote ya longo ondjila ndjoka ye na oku yi landula.
13 Oyo taa kala aluhe ye li nawa
noyana otaa ka thigulula evi.
14 Omuwa okuume kaamboka haa vulika kuye
nota koleke ehangano nayo.
15 OkOmuwa nda tala aluhe,
ku zile ndje ekwatho,
noye ta hupitha ndje moshiponga.
16 Omuwa, tala ndje, u sile ndje ohenda,
oshoka ondi li muuwike
nonda sa uunkundi.
17 Kutha ndje iimpwiyu,
ngu u hupithe ndje muudhigu wandje auhe.
18 Tala ndje, nkene nda ziyalala nonda ngonwa,
ngu u dhime po oondjo dhandje adhihe.
19 Tala aatondi yandje mpo ye thike;
tala, nkene ye tonde ndje.
20 Gamena ndje, ngu u hupithe ndje;
ino etha, ndi sindike.
Opungoye te kongo egameno.
21 Uuyuuki nuunoshili wandje nau popile ndje,
oshoka onde ku inekela.
22 Kalunga, hupitha Aaisraeli muudhigu wawo auhe!
A Prayer for Guidance and Protection
1 To you, O Lord, I offer my prayer;
2 in you, my God, I trust.
Save me from the shame of defeat;
don't let my enemies gloat over me!
3 Defeat does not come to those who trust in you,
but to those who are quick to rebel against you.
4 Teach me your ways, O Lord;
make them known to me.
5 Teach me to live according to your truth,
for you are my God, who saves me.
I always trust in you.
6 Remember, O Lord, your kindness and constant love
which you have shown from long ago.
7 Forgive the sins and errors of my youth.
In your constant love and goodness,
remember me, Lord!
8 Because the Lord is righteous and good,
he teaches sinners the path they should follow.
9 He leads the humble in the right way
and teaches them his will.
10 With faithfulness and love he leads
all who keep his covenant and obey his commands.
11 Keep your promise, Lord, and forgive my sins,
for they are many.
12 Those who have reverence for the Lord
will learn from him the path they should follow.
13 They will always be prosperous,
and their children will possess the land.
14 The Lord is the friend of those who obey him
and he affirms his covenant with them.
15 I look to the Lord for help at all times,
and he rescues me from danger.
16 Turn to me, Lord, and be merciful to me,
because I am lonely and weak.
17 Relieve me of my worries
and save me from all my troubles.
18 Consider my distress and suffering
and forgive all my sins.
19 See how many enemies I have;
see how much they hate me.
20 Protect me and save me;
keep me from defeat.
I come to you for safety.
21 May my goodness and honesty preserve me,
because I trust in you.
22 From all their troubles, O God,
save your people Israel!
