Ondjimbo mohango yomukwaniilwa
Oshitewo kezimo lyaKora; Eimbilo lyohole
1 Iitya iiwanawa oyi li komutima gwandje,
mokutotela omukwaniilwa ondjimbo ndjika.
Ongopena yomunyoli onkulungu,
elaka lyandje oli na nale oshitewo.
2 Ngoye ependa mokati komakanda agehe;
ngoye omupopi onkulungu.
Kalunga okwe ku yambeka aluhe.
3 Homata egonga lyoye, ndjayi omunankondo;
ngoye omunene nowa simana.
4 Osheendo shomukwaniilwa nashi adhe esindano
okupopila oshili nuuyuuki!
Oonkondo dhoye otadhi ku pe esindano ekumithi.
5 Iikuti yoye oya tsa,
otayi tyuula momitima dhaatondi yoye;
iigwana otayi ihata poompadhi dhoye.
6 Epangelo ndyoka Kalunga e ku pe,
otali kala sigo aluhe.
Oto pangele aantu yoye nuuyuuki,
7 ou hole shoka shu uka nou tonde uuwinayi.
Onkee Kalunga, Kalunga koye,
e ku hogolola nokwe ku tilile eyambeko olindji,
u vule omukwaniilwa kehe.
8 Omigwayo dha nika nawa odha tilwa koonguwo dhoye;
aayimbi otaye ku imbile moombala dha polekwa nomasipa goondjamba.
9 Mokati kaakiintu aambala omu na aakadhona, aana yaakwaniilwa.
Kolulyo lwoshipangelapundi shoye
okwa thikama omunyekadhi, a zala omakwilika goshingolielela.
10 Mufuko gwomukwaniilwa, pulakena sho te ti —
dhimbwa yaandjeni naakweni.
11 Eopalo lyoye otali ku hokitha komukwaniilwa;
oye omuwa gwoye, ou na okuvulika kuye.
12 Aatiro otaa ku etele oombalagelo;
aayamba otaa kambadhala oku ku heka neliko.
13 Omuna gwokombanda omukadhona
oku li mombala nokwo opala ngiini!
Omuzalo gwe ogwa tungwa noondali dhoshingoli.
14 Momuzalo gwe guulenga
oye mu fala pomukwaniilwa, a landulwa kiinkumbi ye,
nayo wo oya falwa pomukwaniilwa.
15 Oya li ya nyanyukwa taa ligola
e taa ningine mombala yomukwaniilwa.
16 Ndjayi yandje, oto ka mona aamwoyemati,
ya pingene oohekulu muukwaniilwa,
noto ke ya kwaniileka kombanda yevi alihe.
17 Ondjimbo yandje otayi taandelitha esimano lyoye sigo aluhe,
nakehe gumwe ote ke ku simaneka momathimbo gokomeho.
A Royal Wedding Song
1 Beautiful words fill my mind,
as I compose this song for the king.
Like the pen of a good writer
my tongue is ready with a poem.
2 You are the most handsome of men;
you are an eloquent speaker.
God has always blessed you.
3 Buckle on your sword, mighty king;
you are glorious and majestic.
4 Ride on in majesty to victory
for the defense of truth and justice!
Your strength will win you great victories!
5 Your arrows are sharp,
they pierce the hearts of your enemies;
nations fall down at your feet.
6 The kingdom that God has given you
will last forever and ever.
You rule over your people with justice;
7 you love what is right and hate what is evil.
That is why God, your God, has chosen you
and has poured out more happiness on you
than on any other king.
8 The perfume of myrrh and aloes is on your clothes;
musicians entertain you in palaces decorated with ivory.
9 Among the women of your court are daughters of kings,
and at the right of your throne stands the queen,
wearing ornaments of finest gold.
10 Bride of the king, listen to what I say—
forget your people and your relatives.
11 Your beauty will make the king desire you;
he is your master, so you must obey him.
12 The people of Tyre will bring you gifts;
rich people will try to win your favor.
13 The princess is in the palace—how beautiful she is!
Her gown is made of gold thread.
14 In her colorful gown she is led to the king,
followed by her bridesmaids,
and they also are brought to him.
15 With joy and gladness they come
and enter the king's palace.
16 You, my king, will have many sons
to succeed your ancestors as kings,
and you will make them rulers over the whole earth.
17 My song will keep your fame alive forever,
and everyone will praise you for all time to come.
