Ondjimbo yehambelelo
Episalomi lyaDavid
1 Omuwa, otandi ku pandula nomwenyo aguhe;
montaneho yookalunga otandi ku hambelele.
2 Otandi inyongamene nda taalela otempeli yoye ondjapuki,
ndi simaneke edhina lyoye, omolwesilohenda nuudhiginini woye,
oshoka owa simanekitha edhina lyoye kombanda yaayihe.
3 Sho nde ku ithana,
owu uvu omagalikano gandje;
owa nyatipaleke ndje nowa koleke ndje.
4 Omuwa, aakwaniilwa ayehe kombanda yevi
naye ku simaneke,
oshoka oyu uva oohapu dhoye.
5 Naa tange iilonga yOmuwa,
oshoka esimano lyOmuwa enene.
6 Omuwa, nando ou li pombanda megulu,
oto tonatele aadhinwa,
ihe mbo ye hole uuntsa, itaa vulu oku ku holama.
7 Nando ondi li mokati kuudhigu.
Omwenyo gwandje oto gu gamene.
Oto yelutha okwooko kwoye,
u geele aatondi yandje
e to hupitha ndje noonkondo dhoye.
8 Omuwa, oto shi ningile ndje.
Omuwa, esilohenda lyoye otali kala aluhe;
ino etha iilonga yiikaha yoye.
A Prayer of Thanksgiving
1 I thank you, Lord, with all my heart;
I sing praise to you before the gods.
2 I face your holy Temple,
bow down, and praise your name
because of your constant love and faithfulness,
because you have shown that your name and your commands are supreme.
3 You answered me when I called to you;
with your strength you strengthened me.
4 All the kings in the world will praise you, Lord,
because they have heard your promises.
5 They will sing about what you have done
and about your great glory.
6 Even though you are so high above,
you care for the lowly,
and the proud cannot hide from you.
7 When I am surrounded by troubles,
you keep me safe.
You oppose my angry enemies
and save me by your power.
8 You will do everything you have promised;
Lord, your love is eternal.
Complete the work that you have begun.
