EMBO ETINE
(Omapisalomi 90-106)
Kalunga nomuntu
Egalikano lyaMoses, omumati gwaKalunga
1 Omuwa, ongoye wa kala aluhe
egameno lyetu.
2 Manga inoo shita oondundu nomanga inoo holola po uuyuni,
ngoye Kalunga kaaluhe oko wa li
noto ka kala aluhe sigo aluhe.
3 Oto lombwele omuntu, a shune mpoka a za;
oto mu shuna montsi yevi.
4 Oomvula eyuvi limwe koshipala shoye odha fa owala esiku limwe;
ongesiku lyohela lya pita,
nenge otundi yimwe muusiku.
5 Aantu oto ya kombo po thilu;
otaa piti po mbala ya fa ondjodhi.
Omuntu okwa fa omwiidhi tagu tsapuka pepito lyetango.
6 Pethimbo lyongula otagu koko notagu sheneke,
ihe komatango otagu kukuta e tagu si.
7 Otatu hulu po kondjahi yoye;
otatu kana po kegeelo lyoye.
8 Omayono getu owe ga kaleke koshipala shoye;
oondjo dhetu dhomeholamo
owe dhi holola puuyelele.
9 Otse otatu hulu po kondjahi yoye;
otatu kana po ngaashi omufudho.
10 Oomvula dhokukalamwenyo kwetu omilongo heyali,
nongele odhindji, omilongo hetatu,
ihe odhi na uudhigu noluhodhi;
otadhi piti po mbala twa fa twa tuka.
11 Olye a tseya oonkondo dhondjahi yoye?
Olye e shi oshilanduliko shongeyo yoye?
12 Tu longa okukoneka uuhupi womasiku getu,
opo tu ninge aanandunge.
13 Okugeya kwoye otaku tsikile sigo uunake?
Omuwa, sila aapiya yoye ohenda!
14 Ongula kehe tu ulukila esilohenda lyoye,
opo tu imbe nenyanyu omasiku getu agehe.
15 Tu nyanyudha ihe shi thike poluhodhi ndoka we tu pele,
ngaashi twa mono iihuna ethimbo ele.
16 Otse aapiya yoye, tu talitha iilongankondo yoye;
talitha omaluvalo getu iilonga yoye ya simana.
17 Omuwa Kalunga ketu, esilohenda lyoye nali kale kombanda yetu.
Koleka iilonga yiikaha yetu!
BOOK FOUR
(Psalms 90–106)
Of God and Human Beings
1 O Lord, you have always been our home.
2 Before you created the hills
or brought the world into being,
you were eternally God,
and will be God forever.
3 You tell us to return to what we were;
you change us back to dust.
4 A thousand years to you are like one day;
they are like yesterday, already gone,
like a short hour in the night.
5 You carry us away like a flood;
we last no longer than a dream.
We are like weeds that sprout in the morning,
6 that grow and burst into bloom,
then dry up and die in the evening.
7 We are destroyed by your anger;
we are terrified by your fury.
8 You place our sins before you,
our secret sins where you can see them.
9 Our life is cut short by your anger;
it fades away like a whisper.
10 Seventy years is all we have—
eighty years, if we are strong;
yet all they bring us is trouble and sorrow;
life is soon over, and we are gone.
11 Who has felt the full power of your anger?
Who knows what fear your fury can bring?
12 Teach us how short our life is,
so that we may become wise.
13 How much longer will your anger last?
Have pity, O Lord, on your servants!
14 Fill us each morning with your constant love,
so that we may sing and be glad all our life.
15 Give us now as much happiness as the sadness you gave us
during all our years of misery.
16 Let us, your servants, see your mighty deeds;
let our descendants see your glorious might.
17 Lord our God, may your blessings be with us.
Give us success in all we do!
