1 One aakiintu Aasamaria, pulakeneni oohapu ndhika, ne mboka mwo ondoka mwa fa oonzinzi dhaBaasha dha paluthikika, ne mboka tamu thiminike aafupi notamu thindile oohepele kongudhi notamu pula aashungu yeni, ya kale haye mu kongele iikolitha! 2 Omuwa Omupangeliawike omuyapuki oku uvaneka ngeyi: “Omasiku otage ya, uuna taye ke mu kookolola po noongoololo; shaa ngoka gwomune ota ka fa ohi yi li kondjolo. 3 Otamu ka kookololelwa momusa gu li mekuma notamu ka umbilwa pondje.”
Oluhepo lwaIsrael lwokwiilonga
4 Omuwa Omupangeliawike ota ti: “Aaisraeli ne, ngele tamu yi keha eyapuki kuBetel, otamu ka yona, nongele tamu yi kuGilgal, otamu yono unene shi vule kuBetel. Eteni kehe ongula ontselelandjambo yeni ne mu ete wo iitimulongo yeni mesiku kehe etitatu. 5 Tsikileni nokuyamba iikwiila yeni mokuhambelela Kalunga nokwiitangela omayambo ga sheywa ngoka tamu ga eta! Oshoka osho mwa hala oku shi ninga.
6 “Nando onde etele iilando yeni ondjala, ne inamu galukila kungame. 7 Onda pegula ko omvula, uuna ya li ya pumbiwa unene kiilya yeni. Omvula onde yi lokithile oshilando shimwe nohashikwawo. Omvula ya loko epya limwe, manga ekwawo lya kukuta. 8 Aantu ya kangala kenota, oya zi miilando yimwe taa yi koshilando nkoka ya li yi inekela taa ka mona ko omeya, ihe inaa za nando enota. Natango inamu pungulukila kungame.
9 “Onda tumu ombepo ompyu, yi kukutike iimeno yeni. Oombahu odha li po iitsambe yeni ayihe, oomviinu, omikwiyu nooholivi dheni. Ihe natango inamu itedhulula, mu ye kungame.
10 “Onde mu tumine elega lya fa ndyoka nda tumine Egipiti. Onda dhipagele aagundjuka yeni molugodhi nonda kutha po uukambe weni. Ondu udhitha omayulu geni ezimba ewinayi lyomidhimba moontanda dheni. Ihe inamu galukila kungame.
11 “Onda hanagula po yamwe yomune, ngaashi nda hanagula po Sodom naGomorra. Oomboka yomune ya hupu ko, oya li ya fa iidhimakuni ya nakulwa momulilo. Ihe natango inamu galukila kungame,” Omuwa osho ta ti. 12 “Ano, ne Aaisraeli, otandi ke mu geela. Nomolwashoka tandi ka ninga ngeyi, ilongekidhileni okutsakaneka epangulo lyandje.”
13 Kalunga oye omuumbi gwoondundu
nomushiti gwoombepo.
Omadhiladhilo ge ohe ga tseyithile aantu;
ota lundululile omutenya muusiku.
Ota lyanga mookathele mwii.
Edhina lye olyo ndika: Omuwa Kalunga Omunankondoawike.
1 Listen to this, you women of Samaria, who grow fat like the well-fed cows of Bashan, who mistreat the weak, oppress the poor, and demand that your husbands keep you supplied with liquor! 2 As the Sovereign Lord is holy, he has promised, “The days will come when they will drag you away with hooks; every one of you will be like a fish on a hook. 3 You will be dragged to the nearest break in the wall and thrown out.”
Israel's Failure to Learn
4 The Sovereign Lord says, “People of Israel, go to the holy place in Bethel and sin, if you must! Go to Gilgal and sin with all your might! Go ahead and bring animals to be sacrificed morning after morning, and bring your tithes every third day. 5 Go on and offer your bread in thanksgiving to God, and brag about the extra offerings you bring! This is the kind of thing you love to do.
6 “I was the one who brought famine to all your cities, yet you did not come back to me. 7 I kept it from raining when your crops needed it most. I sent rain on one city, but not on another. Rain fell on one field, but another field dried up. 8 Weak with thirst, the people of several cities went to a city where they hoped to find water, but there was not enough to drink. Still you did not come back to me.
9 “I sent a scorching wind to dry up your crops. The locusts ate up all your gardens and vineyards, your fig trees and olive trees. Still you did not come back to me.
10 “I sent a plague on you like the one I sent on Egypt. I killed your young men in battle and took your horses away. I filled your nostrils with the stink of dead bodies in your camps. Still you did not come back to me.
11 “I destroyed some of you as I destroyed Sodom and Gomorrah. Those of you who survived were like a burning stick saved from a fire. Still you did not come back to me,” says the Lord. 12 “So then, people of Israel, I am going to punish you. And because I am going to do this, get ready to face my judgment!”
13 God is the one who made the mountains
and created the winds.
He makes his thoughts known to people;
he changes day into night.
He walks on the heights of the earth.
This is his name: the Lord God Almighty!
