Job ta yamukula
1-2 Ngame natango ote nyenyeta note lili omahodhi omapyu;
oshikaha shaKalunga osha thinda ndje.
3 Ando onda li nda tseya mpoka tandi mu adha,
ando otandi yi kuye.
4 Otandi vulu okutamanana koshipala she,
ndi popye omatompelo gandje.
5 Onda hala okutseya kutya ota yamukula ndje ngiini,
nokuuva shoka ta lombwele ndje.
6 Ota yi ndje moshipala noonkondo dhe oonene?
Aawe! Ota pulakene ndje nawa.
7 Ongame omuyuuki, ote vulu okutamanana naye
notandi manguluka, ndaa thikame we komeho gomupanguli gwandje.
8 Ihe ngele tandi ka konga kuuzilo, Kalunga itandi mu adha ko;
nongele tandi uka kuuninginino, itandi mu mono ko.
9 Uuna e li miilonga kuumbangalantu, itandi mu mono;
uuna ta shuna kuumbugantu, ite mono nando okuwilola kwe.
10 Kalunga okwa tseya okukala kwandje,
ngele ta yeleke ndje,
ota mono ndje nda yela nda fa oshingoli.
11 Onda landula ondjila ndjoka a halela ndje,
itandi zi mo nande.
12 Itandi gamuka ko nando kiipango ye,
oohapu dhe onde dhi pungula shi vule iikulya yandje yesiku kehe.
13 Kalunga oku li ngaashi a kala shito,
olye ta vulu oku mu tamaneka?
Oye ta longo shoka a hala.
14 Ota tsakanitha shoka nda tokolelwa.
Shika oshinima shimwe shomomadhiladhilo ge.
15 Omolwasho tandi tila oshipala she;
ngele tandi mu dhiladhila, otandi kakama.
16 Kalunga okwa kutha ndje omukumo;
Omunankondoawike okwe etele ndje uudhigu.
17 Ihe ngame itandi mwenekwa komilema
nokuuluudhe thokothoko wa siikila ndje.
Job
1-2 I still rebel and complain against God;
I cannot keep from groaning.
3 How I wish I knew where to find him,
and knew how to go where he is.
4 I would state my case before him
and present all the arguments in my favor.
5 I want to know what he would say
and how he would answer me.
6 Would God use all his strength against me?
No, he would listen as I spoke.
7 I am honest; I could reason with God;
he would declare me innocent once and for all.
8 I have searched in the East, but God is not there;
I have not found him when I searched in the West.
9 God has been at work in the North and the South,
but still I have not seen him.
10 Yet God knows every step I take;
if he tests me, he will find me pure.
11 I follow faithfully the road he chooses,
and never wander to either side.
12 I always do what God commands;
I follow his will, not my own desires.
13 He never changes. No one can oppose him
or stop him from doing what he wants to do.
14 He will fulfill what he has planned for me;
that plan is just one of the many he has;
15 I tremble with fear before him.
16-17 Almighty God has destroyed my courage.
It is God, not the dark, that makes me afraid—
even though the darkness has made me blind.
