Ondjimbo yehambelelo
Episalomi; Eimbilo lyasabati
1 Omuwa, osho opala oku ku hambelela,
okusimaneka edhina lyoye,
Gwokombandambanda,
2 okuuvitha ongula kehe esilohenda lyoye,
nuusiku kehe uudhiginini woye.
3 Otandi lilitha uuhumba wootheta;
otandi imbi nokaharpa.
4 Omuwa, iilongankondo yoye otayi nyanyudha ndje;
otandi imbi nda nyanyukwa
molwaashoka we shi longo.
5 Omuwa, iilonga yoye iinene ngiini!
Omadhiladhilo goye olye te ga pikula?
6 Ngoka itee shi dhimbulula, oye omugoya,
naangoka itee shi mono, ke na omayele.
7 Aakaanakalunga nando naa kale muulinawa
ya fa omwiidhi omutalala,
aakolokoshi nando naa hupe nawa,
ayehe otaa ka dhimwa po thilu.
8 Oshoka ngoye Omuwa
ou li kombandambanda sigo aluhe.
9 Aatondi yoye, Omuwa,
otaa ka hula po;
aakolokoshi ayehe otaa ka kana po.
10 Omuwa,
owa pe ndje oonkondo dha fa dhonyati
nowa laleke ndje nuuyamba.
11 Onda mono okusindika kwaatondi yandje
nondu uvu okulila kwaakolokoshi.
12 Aayuuki otaa ka koka ya fa omilunga;
otaa ka ziza ya fa omisendeli dhaLibanon.
13 Otaa fe omiti dha tsikwa mongulu yOmuwa,
tadhi kokele motempeli yaKalunga ketu.
14 Otadhi imi aluhe iiyimati;
aluhe odha hapa nodha ziza.
15 Shika otashi holola kutya
Omuwa oye omuyuuki;
oye omugameni gwandje,
ke na nando uuwinayi.
A Song of Praise
1 How good it is to give thanks to you, O Lord,
to sing in your honor, O Most High God,
2 to proclaim your constant love every morning
and your faithfulness every night,
3 with the music of stringed instruments
and with melody on the harp.
4 Your mighty deeds, O Lord, make me glad;
because of what you have done, I sing for joy.
5 How great are your actions, Lord!
How deep are your thoughts!
6 This is something a fool cannot know;
someone who is stupid cannot understand:
7 the wicked may grow like weeds,
those who do wrong may prosper;
yet they will be totally destroyed,
8 because you, Lord, are supreme forever.
9 We know that your enemies will die,
and all the wicked will be defeated.
10 You have made me as strong as a wild ox;
you have blessed me with happiness.
11 I have seen the defeat of my enemies
and heard the cries of the wicked.
12 The righteous will flourish like palm trees;
they will grow like the cedars of Lebanon.
13 They are like trees planted in the house of the Lord,
that flourish in the Temple of our God,
14 that still bear fruit in old age
and are always green and strong.
15 This shows that the Lord is just,
that there is no wrong in my protector.
