Egalikano lyomukulupe
1 Omuwa, omungoye awike te holama;
ino etha ndi sindike.
2 Kutha ndje mo moshiponga,
hupitha ndje moluuyuuki woye;
pulakena ndje e to hupitha ndje.
3 Ninga eholameno lyandje lya kola
nepopilongulu lyandje li shige ndje;
ongoye eholameno nepopilo lyandje.
4 Kalunga kandje, hupitha ndje miikaha yaakaanakalunga,
moonkondo dhaakolokoshi nodhaadhudhu.
5 Oshoka ongoye awike etegameno lyandje,
onde ku inekela okuza muugundjuka wandje.
6 Onde ku inekela okuza kevalo lyandje;
owa piitha ndje mo moshivalelo shameme.
Onda hala oku ku simaneka.
7 Onda ningi nda fa ndaa shi omuntu momeho goyendji,
ihe ongoye egameno lyandje.
8 Otandi ku hambelele esiku kehe
notandi tseyitha esimano lyoye.
9 Ino ekelahi ndje,
sho ndaa na oonkondo.
10 Oshoka aatondi yandje oya hala okudhipaga ndje;
otaa popi ndje nayi
notaa ningi euvaneno lyawo.
11 Otaa ti: “Kalunga e mu thigi po;
tu mu landuleni, tu mu kwate,
oshoka kaku na ngo te mu popile.”
12 Kalunga, ino kala ndje kokule;
Kalunga kandje, endelela, u kwathe ndje.
13 Aaponokeli yandje naa halakanithwe po e taa shundulwa;
mbo ya halele ndje oshiponga,
naa tidhwe po ya sa ohoni.
14 Ihe ngame otandi kala aluhe nde ku inekela;
otandi ku simaneke aluhe sigo aluhe.
15 Otandi ka hokolola iilonga yoye iiwanawa;
esiku kehe ondi na okutya:
“Ongoye omuhupithi,”
nonando ote nyengwa oku shi fatulula nawa.
16 Omuwa Omupangeliawike,
otandi simaneke oonkondo dhoye;
uuwanawa owoye auke tandi hokolola.
17 Kalunga, owa longo ndje okuza muugundjuka,
sigo onena otandi uvitha iilonga yoye iikumithi.
18 Ngashingeyi sho nda kulupa nondi na oomvi,
ino etha ndje, Kalunga!
Kala pungame, sho te tseyitha oonkondo niikumitha yoye komaluvalo taga landula.
19 Kalunga, uuyuuki woye otau adha sigo okiikogo.
Owa longa iikumitha;
kaku na ngo e ku fa.
20 Owa tumine ndje uudhigu nuuwehame,
ihe oto ka pa ndje oonkondo ishewe;
ito ke etha, ndi ye mombila.
21 Uukuluntu wandje u indjipalitha
ngu u talaleke ndje ishewe.
22 Otandi ku hambelele nokaharpa;
Kalunga kandje, otandi ku pandula,
oshoka ou shi kwiinekelwa.
Otandi ku imbile nokaharpa, Omuyapuki gwaIsrael.
23 Omilungu dhandje nadhi makuke kenyanyu,
ngame ngaashi ndi li, otandi ku hambelele,
oshoka owa hupitha ndje.
24 Esiku alihe otandi ka tumbula iilonga yuuyuuki woye,
oshoka mbo ya li ya halele ndje oshiponga,
oya mwenekwa e taa sithwa ohoni.
The Prayer of an Elderly Person
1 Lord, I have come to you for protection;
never let me be defeated!
2 Because you are righteous, help me and rescue me.
Listen to me and save me!
3 Be my secure shelter
and a strong fortress to protect me;
you are my refuge and defense.
4 My God, rescue me from wicked people,
from the power of cruel and evil people.
5 Sovereign Lord, I put my hope in you;
I have trusted in you since I was young.
6 I have relied on you all my life;
you have protected me since the day I was born.
I will always praise you.
7 My life has been an example to many,
because you have been my strong defender.
8 All day long I praise you
and proclaim your glory.
9 Do not reject me now that I am old;
do not abandon me now that I am feeble.
10 My enemies want to kill me;
they talk and plot against me.
11 They say, “God has abandoned him;
let's go after him and catch him;
there is no one to rescue him.”
12 Don't stay so far away, O God;
my God, hurry to my aid!
13 May those who attack me
be defeated and destroyed.
May those who try to hurt me
be shamed and disgraced.
14 I will always put my hope in you;
I will praise you more and more.
15 I will tell of your goodness;
all day long I will speak of your salvation,
though it is more than I can understand.
16 I will go in the strength of the Lord God;
I will proclaim your goodness, yours alone.
17 You have taught me ever since I was young,
and I still tell of your wonderful acts.
18 Now that I am old and my hair is gray,
do not abandon me, O God!
Be with me while I proclaim your power and might
to all generations to come.
19 Your righteousness, God, reaches the skies.
You have done great things;
there is no one like you.
20 You have sent troubles and suffering on me,
but you will restore my strength;
you will keep me from the grave.
21 You will make me greater than ever;
you will comfort me again.
22 I will indeed praise you with the harp;
I will praise your faithfulness, my God.
On my harp I will play hymns to you,
the Holy One of Israel.
23 I will shout for joy as I play for you;
with my whole being I will sing
because you have saved me.
24 I will speak of your righteousness all day long,
because those who tried to harm me
have been defeated and disgraced.
