Panduleni uuwanawa waKalunga
Episalomi lyaDavid, sho a zi puAbimelek
1 Onda hala aluhe okupandula Omuwa;
itandi hulitha oku mu hambelela.
2 Otandi mu hambelelele iilonga ye;
aathiminikwa ayehe naa pulakene e taa nyanyukwa.
3 Uvitheni pamwe nangame uunene wOmuwa;
tu simanekeni atuheni edhina lye.
4 Onda galikana Omuwa, oye nokwa yamukula ndje;
okwa kutha ndje uumbanda auhe.
5 Aathiminikwa otaa itula puye e taa nyanyukwa;
itaa thigilwa nando ofogo.
6 Omapongo otage mu ithana,
oye note ga yamukula;
ote ya hupitha moothina dhawo adhihe.
7 Omuyengeli gwOmuwa ota tonatele mboka haa vulika kOmuwa
note ya hupitha moshiponga.
8 Konakona mwene, u mone, nkene Omuwa omwaanawa.
Aanelago oomboka taa mono egameno puye.
9 Vulikeni kOmuwa, aantu ye amuhe;
mbo haa vulika kuye, oye na ashihe ye shi pumbwa.
10 Oonime wo ohadhi hepa iikulya,
ihe mboka haa vulika kOmuwa, oye na uukali auhe.
11 Aagundjuka, ileni, pulakenii ndje,
ngame notandi mu longo okusimaneka Omuwa.
12 Owa hala okukalamwenyo okuwanawa?
Owa hala omwenyo omule nelago?
13 Gamuka kokupopya uuwinayi
nokokuhokolola oohapu dhiifundja.
14 Etha uukolokoshi e to longo uuwanawa;
lalakanena ombili, ngu u yi kondjele.
15 Omuwa oha tonatele aayuuki
noha pulakene okulila kwawo;
16 ihe oku tonde mbo haa longo uukolokoshi,
onkee ano, uuna taa mana oondjenda,
otaa dhimbiwa mbala.
17 Aayuuki otaa ithana Omuwa, oye notu uvu ko;
ote ya hupitha muudhigu wawo auhe.
18 Omuwa oku li popepi naamboka ya dhengwa pevi;
ota hupitha mbo ya kanitha etegameno.
19 Omuyuuki ota tsakanekwa kuudhigu owindji,
ihe Omuwa ote mu hupitha muwo.
20 Omuwa ote mu shigi nawa lela;
kape na nando olimwe lyomomasipa ge tali teywa.
21 Uukolokoshi otau li omuningi gwawo;
mbo ye tonde omuyuuki otaa ka geelwa.
22 Omuwa ota hupitha aantu ye;
ota popile mbo taa kongo egameno puye.
In Praise of God's Goodness
1 I will always thank the Lord;
I will never stop praising him.
2 I will praise him for what he has done;
may all who are oppressed listen and be glad!
3 Proclaim with me the Lord's greatness;
let us praise his name together!
4 I prayed to the Lord, and he answered me;
he freed me from all my fears.
5 The oppressed look to him and are glad;
they will never be disappointed.
6 The helpless call to him, and he answers;
he saves them from all their troubles.
7 His angel guards those who honor the Lord
and rescues them from danger.
8 Find out for yourself how good the Lord is.
Happy are those who find safety with him.
9 Honor the Lord, all his people;
those who obey him have all they need.
10 Even lions go hungry for lack of food,
but those who obey the Lord lack nothing good.
11 Come, my young friends, and listen to me,
and I will teach you to honor the Lord.
12 Would you like to enjoy life?
Do you want long life and happiness?
13 Then keep from speaking evil
and from telling lies.
14 Turn away from evil and do good;
strive for peace with all your heart.
15 The Lord watches over the righteous
and listens to their cries;
16 but he opposes those who do evil,
so that when they die, they are soon forgotten.
17 The righteous call to the Lord, and he listens;
he rescues them from all their troubles.
18 The Lord is near to those who are discouraged;
he saves those who have lost all hope.
19 Good people suffer many troubles,
but the Lord saves them from them all;
20 the Lord preserves them completely;
not one of their bones is broken.
21 Evil will kill the wicked;
those who hate the righteous will be punished.
22 The Lord will save his people;
those who go to him for protection will be spared.
