Omukwaniilwa omunene
Episalomi lyaDavid
1 Uuyuni owOmuwa naashihe shoka shi li mo;
evi olyOmuwa naayihe mbyoka yi li ko.
2 Oye e li tungile kombanda yomeya omale
nomakankameno galyo oga dhikilwa muule wefuta.
3 Olye ta pitikwa okuya kondundu yOmuwa?
Olye e na ompito okuya motempeli ye ondjapuki?
4 Oomboka ye na iilonga yu uka nomadhiladhilo ga yela,
mboka ihaa simaneke iikalunga
yo ihaa gandja omauvaneko giifundja.
5 Omuwa ote ya yambeke e te ya hupitha;
Kalunga ote ya igidhile emangululo.
6 Osho ye li aantu mboka taye ya kuKalunga,
oomboka taye ya miipathi yaKalunga kaJakob.
7 Mwashukeni, ne iiyelo,
egulukeni, ne omiyelo dhonale,
omukwaniilwa omunene a wape okuya meni.
8 Omukwaniilwa omunene olye?
Oye Omuwa, omunankondo nofule.
Omuwa omusindani molugodhi.
9 Mwashukeni, ne iiyelo,
egulukeni, ne omiyelo dhonale,
omukwaniilwa omunene a wape okuya meni.
10 Omukwaniilwa omunene oye olye?
Omuwa omusindani oye omukwaniilwa omunene!
The Great King
1 The world and all that is in it belong to the Lord;
the earth and all who live on it are his.
2 He built it on the deep waters beneath the earth
and laid its foundations in the ocean depths.
3 Who has the right to go up the Lord's hill?
Who may enter his holy Temple?
4 Those who are pure in act and in thought,
who do not worship idols
or make false promises.
5 The Lord will bless them and save them;
God will declare them innocent.
6 Such are the people who come to God,
who come into the presence of the God of Jacob.
7 Fling wide the gates,
open the ancient doors,
and the great king will come in.
8 Who is this great king?
He is the Lord, strong and mighty,
the Lord, victorious in battle.
9 Fling wide the gates,
open the ancient doors,
and the great king will come in.
10 Who is this great king?
The triumphant Lord—he is the great king!
