Okuhambelela Kalunga omuhupithi
1 Halleluja! Omwenyo gwandje,
hambelela Omuwa!
2 Onda hala okuhambelela Omuwa,
manga ndi na omwenyo,
nokwiimbila Kalunga, manga ndi li po.
3 Inamu inekela aanankondo yokombanda yevi;
itaa vulu oku mu hupitha.
4 Uuna taa mana oondjenda,
otaa shuna montsi moka ya zile.
Esiku ndyoka oompangela dhawo
otadhi hulu po.
5 Omunelago oye ngoka ekwatho lye tali zi kuKalunga kaJakob,
oye ngoka i inekela Omuwa,
Kalunga ke.
6 Oye omushiti gwegulu nogwevi,
gwefuta noshaa shoka sha kala muyo,
7 otu uthile aahepekwa,
ota palutha aasindjala
e ta mangulula oonkwatwa.
8 Omuwa ota tonatitha omeho gaaposi,
nota yambula po mboka ya thindilwa pevi.
9 Omuwa ota gamene aakwiilongo,
ota tonatele oothigwa naaselekadhi,
ihe oompangela dhaakaanakalunga
ote dhi ponyitha.
10 Omuwa oye omukwaniilwa aluhe sigo aluhe.
Sion, Kalunga koye ota pangele aluhe sigo aluhe.
Halleluja!
In Praise of God the Savior
1 Praise the Lord!
Praise the Lord, my soul!
2 I will praise him as long as I live;
I will sing to my God all my life.
3 Don't put your trust in human leaders;
no human being can save you.
4 When they die, they return to the dust;
on that day all their plans come to an end.
5 Happy are those who have the God of Jacob to help them
and who depend on the Lord their God,
6 the Creator of heaven, earth, and sea,
and all that is in them.
He always keeps his promises;
7 he judges in favor of the oppressed
and gives food to the hungry.
The Lord sets prisoners free
8 and gives sight to the blind.
He lifts those who have fallen;
he loves his righteous people.
9 He protects the strangers who live in our land;
he helps widows and orphans,
but takes the wicked to their ruin.
10 The Lord is king forever.
Your God, O Zion, will reign for all time.
Praise the Lord!
