Okwiinekela Omuwa
Episalomi lyaDavid
1 Ngame otandi inekele Omuwa,
a gamene ndje.
One aagoya ngiini,
sho tamu lombwele ndje:
“Tukila koondundu wa fa okadhila,
2 oshoka aakolokoshi otaa lukile omatati
notaa pameke iikuti moonkandja,
ya yahele aayuuki momilema.
3 Omuyuuki ita vulu okuninga sha,
uuna ku na epiyagano.”
4 Omuwa oku li motempeli ye ondjapuki;
oshipangelapundi she oshi li megulu.
Oye a tala kaantu ayehe
nokwa tseya shoka taa longo.
5 Aayuuki naakolokoshi ote ya konakona shi thike pamwe;
oku tonde unene ookakombwiilitha.
6 Aakolokoshi ote ya lokithile omakala gomulilo nosulufuli;
ote ya geele noku ya pepithila ombepo ompyu.
7 Omuwa oye omuyuuki noku hole iilonga iiwanawa;
mboka haa longo uuwanawa,
otaa ka kala puye.
Confidence in the Lord
1 I trust in the Lord for safety.
How foolish of you to say to me,
“Fly away like a bird to the mountains,
2 because the wicked have drawn their bows and aimed their arrows
to shoot from the shadows at good people.
3 There is nothing a good person can do
when everything falls apart.”
4 The Lord is in his holy temple;
he has his throne in heaven.
He watches people everywhere
and knows what they are doing.
5 He examines the good and the wicked alike;
the lawless he hates with all his heart.
6 He sends down flaming coals and burning sulfur on the wicked;
he punishes them with scorching winds.
7 The Lord is righteous and loves good deeds;
those who do them will live in his presence.
