Uuwanawa wOmuwa
Episalomi lyaDavid
1 Omwenyo gwandje, hambelela Omuwa!
Ashihe shi li mungame,
nashi simaneke edhina lye eyapuki!
2 Omwenyo gwandje, hambelela Omuwa!
Ino dhimbwa uuwanawa we.
3 Oye ta dhimi po oondjo dhandje
nota aludha uuvu wandje auhe.
4 Oye ta hupitha ndje meso
nota landula ndje nesilohenda
nontalanteni ye.
5 Ota kutitha ndje nuuwanawa we
nota kaleke ndje nda nyashuka nda fa ontsa.
6 Omuwa ota pangula pauyuuki,
naathiminikwa ote ya popile.
7 Okwa hololele Moses omadhiladhilo ge,
Aaisraeli iilongankondo ye.
8 Omuwa oye omunamutimahenda nomunalukeno,
ohi idhidhimike mokugeya
noku na ohole ihaayi lunduluka.
9 Iha tamanana ethimbo kehe,
ye iha kala a geya sigo aluhe. 10 Ote tu geele, ngaashi twe shi ilongela,
note tu pula pakuyona kwetu.
11 Ngaashi uule wokuza pevi okuya kegulu,
osho sha tya uunene wohole ye
kumboka haye mu simaneke.
12 Ngaashi uuzilo u li kokule nuuninginino,
osho ta kaleke kokule natse oondjo dhetu.
13 Ngaashi aanona taa silwa ohenda kuhe,
osho Omuwa ta sile ohenda mboka haye mu simaneke.
14 Okwa tseya kutya otwa shitwa nashike;
oku shi shi kutya otse ontsi yevi.
15 Oshoka omasiku getu oga fa omwiidhi.
Otatu nyanyukwa twa fa ongala yokelundu;
16 ombepo sho ya tameke oku yi pepela,
otayi si noitayi monika we.
17 Ihe esilohenda lyOmuwa itali lunduluka
kumboka haye mu simaneke,
nuuwanawa we komaluvalo nomaluvalo
18 okumboka haa dhiginine ehangano lye
naamboka haa vulika kiipango ye.
19 Omuwa oku li koshipangelapundi she megulu;
ota pangele ayihe.
20 Hambeleleni Omuwa,
ne aayengeli oofule naanankondo,
mbo hamu fala omalombwelo ge
nohamu vulika koohapu dhe.
21 Hambeleleni Omuwa,
ne oonakukala megulu;
aapiya ye amuhe mbo hamu gwanitha ehalo lye.
22 Iishitwa ayihe nayi simaneke Omuwa,
akuhe nkoka ku na epangelo lye.
Mwenyo gwandje, hambelela Omuwa!
The Love of God
1 Praise the Lord, my soul!
All my being, praise his holy name!
2 Praise the Lord, my soul,
and do not forget how kind he is.
3 He forgives all my sins
and heals all my diseases.
4 He keeps me from the grave
and blesses me with love and mercy.
5 He fills my life with good things,
so that I stay young and strong like an eagle.
6 The Lord judges in favor of the oppressed
and gives them their rights.
7 He revealed his plans to Moses
and let the people of Israel see his mighty deeds.
8 The Lord is merciful and loving,
slow to become angry and full of constant love.
9 He does not keep on rebuking;
he is not angry forever.
10 He does not punish us as we deserve
or repay us according to our sins and wrongs.
11 As high as the sky is above the earth,
so great is his love for those who honor him.
12 As far as the east is from the west,
so far does he remove our sins from us.
13 As a father is kind to his children,
so the Lord is kind to those who honor him.
14 He knows what we are made of;
he remembers that we are dust.
15 As for us, our life is like grass.
We grow and flourish like a wild flower;
16 then the wind blows on it, and it is gone—
no one sees it again.
17 But for those who honor the Lord, his love lasts forever,
and his goodness endures for all generations
18 of those who are true to his covenant
and who faithfully obey his commands.
19 The Lord placed his throne in heaven;
he is king over all.
20 Praise the Lord, you strong and mighty angels,
who obey his commands,
who listen to what he says.
21 Praise the Lord, all you heavenly powers,
you servants of his, who do his will!
22 Praise the Lord, all his creatures
in all the places he rules.
Praise the Lord, my soul!
