Ondhimbo yaAaron
1 Omuwa okwa lombwele Moses a ti: 2 “Lombwela Aaisraeli ye ku pe oondhimbo omulongo nambali, ondhimbo yimwe oyomuwiliki mezimo kehe. Kondhimbo kehe nyola ko edhina lyamwene gwayo, 3 nedhina lyaAaron li nyola kondhimbo ndjoka yi lile po Aalevi. Otaku ka kala ondhimbo yimwe yomuwiliki mezimo kehe. 4 Dhi fala metsalihangano e to dhi tula komeho goshikethahangano, nkoka tandi ku tsakaneke. 5 Ondhimbo yomuntu ngoka nda hogolola, otayi tutuma. Pahedhi ndjika otandi mweneke omangungutulo gAaisraeli, sho haye ku tamanekele ndje.”
6 Moses okwe shi lombwele Aaisraeli, nomuwiliki gwezimo kehe mokati kawo okwe mu pe ondhimbo yimwe, adhihe kumwe omulongo nambali pamwe nondhimbo yaAaron. 7 Moses okwa tula oondhimbo adhihe metsalihangano komeho goshikethahangano shOmuwa.
8 Esiku lyanofu Moses sho a yi mo metsalihangano, okwa mono ondhimbo yaAaron, ndjoka ya kalele po ezimo lyaLevi, ya tutuma. Oya tsapuka noya sheneka oongala noyi ima oomandeli dho oloya. 9 Moses okwa kutha ko oondhimbo adhihe e te dhi ulukile Aaisraeli. Oya mono shoka sha ningwa po, nomuwiliki kehe okwa taamba ondhimbo ye. 10 Omuwa okwa lombwele Moses a ti: “Shuna ondhimbo yaAaron komeho goshikethahangano. Oyi na okupungulwa, yi kale elondodho kAaisraeli mboka ye na omangungutulo, opo yaa se.” 11 Moses okwa ningi, ngaashi Omuwa e mu lombwele. 12 Aaisraeli oya lombwele Moses ya ti: “Tala, otatu hulu po, tse atuhe tatu ka kana! 13 Shaa ngoka ta hedha ketsalihangano, ota si. Otwa uthilwa ano, tu se po atuhetuhe?”
Aaron's Walking Stick
1 The Lord said to Moses, 2 “Tell the people of Israel to give you twelve walking sticks, one from the leader of each tribe. Write each man's name on his stick 3 and then write Aaron's name on the stick representing Levi. There will be one stick for each tribal leader. 4 Take them to the Tent of my presence and put them in front of the Covenant Box, where I meet you. 5 Then the stick of the man I have chosen will sprout. In this way I will put a stop to the constant complaining of these Israelites against you.”
6 So Moses spoke to the Israelites, and each of their leaders gave him a stick, one for each tribe, twelve in all, and Aaron's stick was put with them. 7 Moses then put all the sticks in the Tent in front of the Lord's Covenant Box.
8 The next day, when Moses went into the Tent, he saw that Aaron's stick, representing the tribe of Levi, had sprouted. It had budded, blossomed, and produced ripe almonds! 9 Moses took all the sticks and showed them to the Israelites. They saw what had happened, and each leader took his own stick back. 10 The Lord said to Moses, “Put Aaron's stick back in front of the Covenant Box. It is to be kept as a warning to the rebel Israelites that they will die unless their complaining stops.” 11 Moses did as the Lord commanded.
12 The people of Israel said to Moses, “Then that's the end of us! 13 If anyone who even comes near the Tent must die, then we are all as good as dead!”
