Ekandanga
1 Esiku onali ya, uuna aantu taa ki imba ekandanga mevi lyaJuda taa ti:
“Oshilongo shetu osha kola!
Kalunga mwene ota gamene omakuma gasho!
2 Egululeni iiyelo yoshilando,
opo oshigwana oshiyuuki shi ye mo,
oshigwana hashi dhiginine eitaalo.
3 Omuwa, oho gandja ombililela
kumboka ihaa tenguka noye ku inekela.
4 Inekeleni Omuwa sigo aluhe;
ote ke tu gamena aluhe.
5 Okwa fupipike mboka ya li tayi inomo;
okwa kumuna po oshilando shawo sha kola,
nomakuma gasho okwe ga nyanyulile montsi.
6 Otashi tampagulwa kaathiminikwa,
noompadhi dhaakweyi otadhi shi lyatagula.”
7 Omuwa, ongoye to yelekanithile aayuuki ondjila;
ondjila ndjoka taa ende oya yelekana.
8 Otatu landula ehalo lyoye notwe ku inekela;
etegameno lyomitima dhetu oli li medhina lyoye.
9 Omwenyo gwandje ogwe ku yuulukwa uusiku,
moontundumene ombepo yandje tayi ku kongo.
Uuna to pangula evi naantu yalyo,
ayehe otaa ka koneka uuyuuki.
10 Nando to sile aakolokoshi ohenda,
itaa koneke nando uuyuuki.
Moshilongo nando mu kale aayuuki,
aalunde otaa kolokosha owala;
otaa tindi okudhimbulula uunene woye.
11 Aatondi yoye itaa tseya kutya oto ke ya geela.
Omuwa, ya sitha ohoni nou ya dhenge;
naa adhike kegeelo we li ya longekidhile.
Ya ulukila, nkene u hole aantu yoye.
12 Omuwa, ongoye to tu pe elago;
ashihe shoka tatu tompola,
ongoye we shi tu ningile.
13 Omuwa Kalunga ketu,
otwa pangelwa kaapangeli yalwe peha lyoye,
nando ongoye awike Omuwa gwetu.
14 Ngashingeyi oya si noitaa ka kala we ye na omwenyo.
Oomwenyo dhawo oya topoka nadho,
itadhi ka yumuka we,
oshoka owe ya geele e to ya hanagula po.
Kape na we ngoka te ya dhimbulukwa.
15 Omuwa, ongoye wi indjipalitha oshigwana shetu,
owa taandelitha oshilongo shasho koombinga adhihe,
naashika oshe ku etele esimano.
16 Omuwa, ongoye wa geele aantu yoye,
nomuuwehame oye ku galikana.
17 Omuwa, otwa keme kuudhigu
twa fa omukulukadhi e na oshitheta.
18 Otwa li muuwehame woshitheta,
ihe mokuvala otwa fa twa vala ombepo.
Inatu mona esindano lyoshilongo shetu,
inatu tompola sha.
19 Oonakusa yoye otaa ka ninga omwenyo ishewe!
Omidhimba dhawo otadhi ka yumuka.
Ayehe mboka ya kotha moombila,
otaa ka penduka nokwiimba ekandanga.
Ngashika omume tayi tutike evi,
osho Omuwa ta ka mwenyeka mboka ya sa nale.
Epangulo nehupitho
20 Ne aantu yandje, indeni momagumbo geni, mu iyedhilile mo. Holameni okathimbo, manga ondjahi yaKalunga tayi pitilile po. 21 Omuwa ote ya ta zi monkalelo ye, a geelele oonakukala kombanda yevi oondjo dhawo. Aadhipagi mboka ya dhipaga aantu meholamo kombanda yevi, otaa ka hololwa, nevi itali ka holeka we mboka ya dhipagwa.
God Will Give His People Victory
1 A day is coming when the people will sing this song in the land of Judah:
Our city is strong!
God himself defends its walls!
2 Open the city gates
and let the faithful nation enter,
the nation whose people do what is right.
3 You, Lord, give perfect peace
to those who keep their purpose firm
and put their trust in you.
4 Trust in the Lord forever;
he will always protect us.
5 He has humbled those who were proud;
he destroyed the strong city they lived in,
and sent its walls crashing into the dust.
6 Those who were oppressed walk over it now
and trample it under their feet.
7 Lord, you make the path smooth for good people;
the road they travel is level.
8 We follow your will and put our hope in you;
you are all that we desire.
9 At night I long for you with all my heart;
when you judge the earth and its people,
they will all learn what justice is.
10 Even though you are kind to the wicked,
they never learn to do what is right.
Even here in a land of righteous people
they still do wrong;
they refuse to recognize your greatness.
11 Your enemies do not know that you will punish them.
Lord, put them to shame and let them suffer;
let them suffer the punishment you have prepared.
Show them how much you love your people.
12 You will give us prosperity, Lord;
everything that we achieve
is the result of what you do.
13 Lord our God, we have been ruled by others,
but you alone are our Lord.
14 Now they are dead and will not live again;
their ghosts will not rise,
for you have punished them and destroyed them.
No one remembers them any more.
15 Lord, you have made our nation grow,
enlarging its territory on every side;
and this has brought you honor.
16 You punished your people, Lord,
and in anguish they prayed to you.
17 You, Lord, have made us cry out,
as a woman in labor cries out in pain.
18 We were in pain and agony,
but we gave birth to nothing.
We have won no victory for our land;
we have accomplished nothing.
19 Those of our people who have died will live again!
Their bodies will come back to life.
All those sleeping in their graves
will wake up and sing for joy.
As the sparkling dew refreshes the earth,
so the Lord will revive those who have long been dead.
Judgment and Restoration
20 Go into your houses, my people, and shut the door behind you. Hide yourselves for a little while until God's anger is over. 21 The Lord is coming from his heavenly dwelling place to punish the people of the earth for their sins. The murders that were secretly committed on the earth will be revealed, and the ground will no longer hide those who have been killed.
