Kalunga ta teya po Etiopia
1 Pomilonga dhaEtiopia ope na oshilongo mpoka oshihomo shomawawa tashi uvika. 2 Okuza koshilongo shoka oontumwa otadhi ende moowato dhomanenge muNiili. Galukileni kegumbo, ne oontumwa mu na ontuku! Faaleleni elaka koshilongo sheni sha kambakanwa komilonga, koshigwana sheni sha kola sho shi na omatha, kaantu yeni aaleeleka ye na oshipa tashi adhima, mboka taa tilika kuuyuni auhe.
3 Pulakeneni, amuhe mboka mwa kala kombanda yevi! Taleni utale epandela tali yeluthwa koondungu dhoondundu! Pulakeneni ekugagano lyenkuma! 4 Omuwa okwa lombwele ndje a ti: “Otandi ka entamena ndi li megulu ndi ilongelela nda fa omata gomume muusiku wopothinge, ndi ilongelela nda fa etango tali minikile moshanga shomutenya. 5 Omandjembele manga inaaga toononwa, oongala sho dha yagumuka nomandjembele taga tiligana, aatondi otaa ka teya po Etiopia nuupu ya fa ombele tayi pompona ko iitayi komuviinu. 6 Omidhimba dhaakwiita yawo otadhi ka thigilwa oondhila niithitukuti. Othinge otaa lika po komambiimbili nokufu okiithitukuti.”
7 Esiku otali ya, uuna Omuwa Omunankondoawike ta ka taamba omayambo koshilongo shika sha kambakanwa komilonga, koshigwana shika sha kola noshinankondo, kaantu mbaka aaleeleka ye na oshipa tashi adhima, mboka haa tilika kuuyuni auhe. Otaa ke ya kondundu Sion, nkoka Omuwa Omunankondoawike ta simanekelwa.
God Will Punish Ethiopia
1 Beyond the rivers of Ethiopia there is a land where the sound of wings is heard. 2 From that land ambassadors come down the Nile in boats made of reeds. Go back home, swift messengers! Take a message back to your land divided by rivers, to your strong and powerful nation, to your tall and smooth-skinned people, who are feared all over the world.
3 Listen, everyone who lives on earth! Look for a signal flag to be raised on the mountaintops! Listen for the blowing of the bugle! 4 The Lord said to me, “I will look down from heaven as quietly as the dew forms in the warm nights of harvest time, as serenely as the sun shines in the heat of the day. 5 Before the grapes are gathered, when the blossoms have all fallen and the grapes are ripening, the enemy will destroy the Ethiopians as easily as a knife cuts branches from a vine. 6 The corpses of their soldiers will be left exposed to the birds and the wild animals. In summer the birds will feed on them, and in winter, the animals.”
7 A time is coming when the Lord Almighty will receive offerings from this land divided by rivers, this strong and powerful nation, this tall and smooth-skinned people, who are feared all over the world. They will come to Mount Zion, where the Lord Almighty is worshiped.
