Omukwaniilwa gwaJuda Jotam
(2 Aak. 15:32-38)1 Jotam okwa ningi omukwaniilwa mepipi lyomimvo omilongo mbali nantano, nokwa lele muJerusalem omimvo omulongo nahamano. Yina oJerusha yaSadok. 2 Okwa longo shoka sho opalela Omuwa, ngashika naanaa he a ningile; ihe ina yona a fa he, a fike ando iitsinino motempeli, ihe oshigwana osha tsikile ngaa muulunde.
3 Jotam okwa tungu Osheelo shuumbangalantu wotempeli. Okwa tungu wo ombinga onene yedhingililokuma lyomuOfel muJerusalem. 4 Okwa tungitha iilando moondundu dhaJuda, nomomakuti okwa tungitha mo omapopilongulu nooshungo. 5 Okwa kondjitha omukwaniilwa gwaAmmon netangakwiita lye e te ya sindi. Nena okwa thiminike Aayammoni, ye mu fute omumvo kehe omimvo ndatu oshisiliveli shookilograma 3400, osiima yoolata 1000 niishokelya yoolata 1000. 6 Jotam okwa ningi omunankondo, oshoka okwa vulika lela kOmuwa, Kalunga ke. 7 Iiningwanima yilwe mepangelo lyaJotam, iita ye nomulandupangelo gwe oya nyolelwa membo lyondjokonona yaakwaniilwa yaIsrael naJuda. 8 Jotam okwa li e na omimvo omilongo mbali nantano, sho a ningi omukwaniilwa, nokwa lele muJerusalem omimvo omulongo nahamano. 9 Okwa si e ta fumvikwa moshilando shaDavid, nomwana Ahas okwe mu landula muukwaniilwa.
King Jotham of Judah
(2 Kings 15.32-38)1 Jotham became king at the age of twenty-five, and he ruled in Jerusalem for sixteen years. His mother was Jerushah, the daughter of Zadok. 2 He did what was pleasing to the Lord, just as his father had done; but unlike his father he did not sin by burning incense in the Temple. The people, however, went on sinning.
3 It was Jotham who built the North Gate of the Temple and did extensive work on the city wall in the area of Jerusalem called Ophel. 4 In the mountains of Judah he built cities, and in the forests he built forts and towers. 5 He fought against the king of Ammon and his army and defeated them. Then he forced the Ammonites to pay him the following tribute each year for three years: four tons of silver, fifty thousand bushels of wheat, and fifty thousand bushels of barley. 6 Jotham grew powerful because he faithfully obeyed the Lord his God. 7 The other events of Jotham's reign, his wars, and his policies, are all recorded in The History of the Kings of Israel and Judah. 8 Jotham was twenty-five years old when he became king, and he ruled in Jerusalem for sixteen years. 9 He died and was buried in David's City and his son Ahaz succeeded him as king.
