Iilonga yaDavid muJerusalem
(2 Sam. 5:11-16)1 Omukwaniilwa Hiram gwaTiro okwa tumu aatumwa kuDavid; okwe mu kwatha omiti dhomisendeli naahongi yomamanya naanashihongelo, ye mu tungile ongulumbala. 2 Osho ngaaka David okwa dhimbulula kutya Omuwa okwe mu ningi omukwaniilwa gwaIsrael nokwa koleke uukwaniilwa we omolwoshigwana she Israel.
3 MuJerusalem David okwa hokanene mo aakulukadhi oyendji nokwa li e na oyana aamati naakadhona oyendji. 4 Mboka e ya valelwa muJerusalem, oyo Shammua, Shobab, Natan, Salomo, 5 Ibhar, Elishua, Elpelet, 6 Nogah, Nefeg, Jafia, 7 Elishama, Beeliada naElifelet.
Aafilisti taa sindwa
(2 Sam. 5:17-25)8 Aafilisti sho ya kundana kutya David a ningi omukwaniilwa gwaIsrael alihe, etangakwiita lyawo olya piti mo, ye ke mu kwate po. David sho e shi uvu, okwe ke ya tsakaneka. 9 Aafilisti oya thiki polusilu lwaRafaim e taa tameke okuyuga. 10 David okwa pula Kalunga a ti: “Nandi matukile Aafilisti? Oto pe ndje esindano?”
Omuwa okwa yamukula a ti: “Eeno, ya matukila! Otandi ku pe esindano!”
11 Osho ngaaka David okwe ya ponokele puBaal-Perazim e te ya sindi. Okwa ti. “Kalunga okwa longitha ndje, ndi panukile aatondi yandje nda fa omeya gefundja.” Okuza kesiku ndiyaka epandja ndyoka olya lukwa Baal-Perazim. 12 Aafilisti sho ya yi ontuku, oya thigi po iimenka yawo, naDavid okwa gandja elaka, yi fikwe po.
13 Nanziya Aafilisti oya galukile kolusilu e taa tameke oku lu yuga ishewe. 14 Natango lumwe David okwa pula Kalunga, ngoka e mu yamukula a ti: “Ino ya matukila okuziilila mpaka, ihe ya kunduka, u ya homone to ziilile kombinga yilwe, popepi nomiti dhomitaku. 15 Shampa wa uvu iikukulo yoompadhi momumbolongondjo gwomitaku, nena ya ponokela, oshoka otandi ka katuka ndi li komeho goye, ndi dhenge etangakwiita lyAafilisti.” 16 David okwa ningi, ngaashi Omuwa e mu lombwele, e ta tidha Aafilisti okuza kuGibeon ndongo ondjila ayihe sigo okuGeser. 17 Esimano lyaDavid olya taandele akuhe, nOmuwa okwa tilithitha David kiigwana ayihe.
David's Activities in Jerusalem
(2 Samuel 5.11-16)1 King Hiram of Tyre sent a trade mission to David; he provided him with cedar logs and with stonemasons and carpenters to build a palace. 2 And so David realized that the Lord had established him as king of Israel and was making his kingdom prosperous for the sake of his people.
3 There in Jerusalem, David married more wives and had more sons and daughters. 4 The following children were born to him in Jerusalem: Shammua, Shobab, Nathan, Solomon, 5 Ibhar, Elishua, Elpelet, 6 Nogah, Nepheg, Japhia, 7 Elishama, Beeliada, and Eliphelet.
Victory over the Philistines
(2 Samuel 5.17-25)8 When the Philistines heard that David had now been made king over the whole country of Israel, their army went out to capture him. So David marched out to meet them. 9 The Philistines arrived at Rephaim Valley and began plundering. 10 David asked God, “Shall I attack the Philistines? Will you give me the victory?”
The Lord answered, “Yes, attack! I will give you the victory!”
11 So David attacked them at Baal Perazim and defeated them. He said, “God has used me to break through the enemy army like a flood.” So that place is called Baal Perazim. 12 When the Philistines fled, they left their idols behind, and David gave orders for them to be burned.
13 Soon the Philistines returned to the valley and started plundering it again. 14 Once more David consulted God, who answered, “Don't attack them from here, but go around and get ready to attack them from the other side, near the balsam trees. 15 When you hear the sound of marching in the treetops, then attack, because I will be marching ahead of you to defeat the Philistine army.” 16 David did what God had commanded, and so he drove the Philistines back from Gibeon all the way to Gezer. 17 David's fame spread everywhere, and the Lord made every nation afraid of him.
