Okukara nomuinyo puna Kristus
1 Nu tjinga amwa pendurwa pamwe na Kristus, otjinga amamu sokupaha imbi vyokombanda ku ku na Kristus ngu ri pehi kokunene kwa Ndjambi. 2 Zemburukeye imbi vyokombanda, nu a ha rire imbi vyokombanda yehi. 3 Orondu eṋe mwa ṱa, nominyo vyeṋu vya horekwa pamwe na Kristus mu Ndjambi. 4 Nu Kristus ngu ri omuinyo weṋu, eye tje ya eṋe wina mamu kara puna ye amu norupa mondjozikiro ye!
Ongarero onguru nombe
5 Nungwari nambano mamu sokukoza ozonḓuma zouye nḓe ri mu eṋe; okutja ombakirasaneno, ouhakohoke, omananukiro wonyama, ozonḓuma ozombi, omunenetima (omunenetima owo omerikotameneno kovisenginina). 6 Motjimbe tjoviṋa mbi omazenge wa Ndjambi maye ya kombanda ya imba mbe hi nanḓuviro ku ye. 7 Eṋe wina rukuru iyamu tjiti nao, tjiyamu ryanga mongarero yozonḓuma zeṋu.
8 Nungwari nambano tweye pehi oviṋa avihe mbi: Omazenge nomapindi nonyengo nomayambururiro. Nu ngaamu piti omambo wouhahu movinyo vyeṋu. 9 Amu wovisasana, tjinga amwa hukura omundu ingwi omukuru novikaro vye, 10 namu zara omundu omupe. Ndjambi, Omuute we, we mu yarura koupe otja kosaneno ye kutja a yenenise ombango ye. 11 Komuhingo mbwi otji pe hi nokukara ombangu pokati kOmujuda na ngu he ri Omujuda, pokati komusukarekwa nomuhasukarekwa, pokati komuhoko umwe novandu wozonganda mbe hiye ya koundu, na pokati komukarere nomundu omukutuke. Nungwari Kristus eye avihe, nu Kristus u ri mu avehe.
12 Oweṋe otjiwaṋa tja Ndjambi otjitoororwa, neye we mu suvera. Otji mamu sokukara notjari nounyaṋutima nomerisusuparisiro noupore nomuretima. 13 Tjindasaneye nu mu isirasane umwe tje nouzeu nomukwao. Nu mamu sokuisirasana otja Muhona punga e mu isira. 14 Nu kombanda yaimbi avihe suverasaneye. Orusuvero ondu ri otjiwaneke tji tji mu kuta kumwe okuura. 15 Ohange Kristus ndje yandja ngai honapare mongaro yeṋu. Nu mohange ndji Ndjambi we mu isana kutja mu kare otja ouṋepo worutu rumwe. Nopu mamu sokumutjera okuhepa! 16 Ombuze ya Kristus ngai kare mu eṋe okutakavara. Hongasaneye nokurongasana nounongo auhe. Imbureye omapsalme nomaimburiro nomatangero omayapuke; imburireye Ndjambi nondangero momitima vyeṋu. 17 Natjihe tji mamu tjiti nangarire okuhungira, nangarire okuungura, tji tjiteye atjihe mena ra Muhona Jesus Kristus amamu tja okuhepa ku Ndjambi Ihe okupitira mu ye.
Okukarasana nawa mongaro ombe
18 Mukazendu, riwisa kehi yomurumendu woye, otja omukambure mu Muhona tji ma sokutjita.
19 Murumendu, suvera omukazendu woye, nu o kara nombeze ku ye.
20 Vanatje, kareye nonḓuviro kovanene veṋu mu avihe, orondu tjinga ape tjata ku Muhona.
21 Vanene, amu handjisa ovanatje veṋu, tjapo ngaave mumapara.
22 Vakarere, kareye nonḓuviro kovahona veṋu wokombanda yehi. Amu ungurire kutja owo ve mu mune, nokutja eṋe mu ritjatise ku wo, nungwari ungureye nomutima omusemba mena rondira ku Muhona. 23 Natjihe tji mamu ungura, ungureye nomitima vyeṋu avihe aayo mamu ungurire Muhona nu kamu nakuungurira ovandu. 24 Zemburukeye kutja Muhona me mu pe otja omasutiro imbi mbya kwizikira otjiwaṋa tje. Kristus onguri Muhona tjiri ngu mu sokukarera. 25 Omutjite auhe wouhasemba ma vererwa ouhasemba mbwa tjita, Ndjambi tjinga e pangura omundu nokuhinandoorora.
1 You have been raised to life with Christ. Now set your heart on what is in heaven, where Christ rules at God's right side. 2 Think about what is up there, not about what is here on earth. 3 You died, which means that your life is hidden with Christ, who sits beside God. 4 Christ gives meaning to your life, and when he appears, you will also appear with him in glory.
5 Don't be controlled by your body. Kill every desire for the wrong kind of sex. Don't be immoral or indecent or have evil thoughts. Don't be greedy, which is the same as worshiping idols. 6 God is angry with people who disobey him by doing these things. 7 And this is exactly what you did, when you lived among people who behaved in this way. 8 But now you must stop doing such things. You must quit being angry, hateful, and evil. You must no longer say insulting or cruel things about others. 9 And stop lying to each other. You have given up your old way of life with its habits.
10 Each of you is now a new person. You are becoming more and more like your Creator, and you will understand him better. 11 It doesn't matter if you are a Greek or a Jew, or if you are circumcised or not. You may even be a barbarian or a Scythian, and you may be a slave or a free person. Yet Christ is all that matters, and he lives in all of us.
12 God loves you and has chosen you as his own special people. So be gentle, kind, humble, meek, and patient. 13 Put up with each other, and forgive anyone who does you wrong, just as Christ has forgiven you. 14 Love is more important than anything else. It is what ties everything completely together.
15 Each one of you is part of the body of Christ, and you were chosen to live together in peace. So let the peace that comes from Christ control your thoughts. And be grateful. 16 Let the message about Christ completely fill your lives, while you use all your wisdom to teach and instruct each other. With thankful hearts, sing psalms, hymns, and spiritual songs to God. 17 Whatever you say or do should be done in the name of the Lord Jesus, as you give thanks to God the Father because of him.
Some Rules for Christian Living
18 A wife must put her husband first. This is her duty as a follower of the Lord.
19 A husband must love his wife and not abuse her.
20 Children must always obey their parents. This pleases the Lord.
21 Parents, don't be hard on your children. If you are, they might give up.
22 Slaves, you must always obey your earthly masters. Try to please them at all times, and not just when you think they are watching. Honor the Lord and serve your masters with your whole heart. 23 Do your work willingly, as though you were serving the Lord himself, and not just your earthly master. 24 In fact, the Lord Christ is the one you are really serving, and you know he will reward you. 25 But Christ has no favorites! He will punish evil people, just as they deserve.
