Eimburiro rokutanga nokutja okuhepa ku Ndjambi
Komuimburise. Eimburiro. Epsalme.
1 Tangeye Ndjambi nokumuyorokera,
oweṋe vandu amuhe mouye!
2 Imbureye okuyozika ena re;
Mu yozikeye nokumutanga!
3 Itjeye nai ku Ndjambi:
“Oviungura vyoye, tjiri, ovihimise!
Omasa woye omanene nai
nga ovanavita na ove tji mave
rikoto komurungu woye mondira.
4 Ovandu avehe mouye ngave
rikotamene kove,
ngave ku imburire nu
ngave tange ena roye.”
5 Indjeye mu tare ovitjitwa vya Ndjambi,
oviungura vye movandu ovyo ovihimise.
6 Eye wa rundurura omuronga
au rire ehi ekukutu;
ootate mukururume ve u konda
amave kayenda pehi.
Komuhingo mbwi opu matu yorokere ye.
7 Eye u honapara aruhe momasa we,
omeho we ye tjevera oviwaṋa.
Ovemupirukire kamaave mu sekamene.
8 Hivirikeye Ndjambi wetu,
oweṋe viwaṋa amuhe!
Zuvariseye ondangero ye neraka romasa!
9 Eye we tu ṱakamisa kutja tu kare nomuinyo;
ne tu tjevere kutja atu ha putara.
10 Ove, Ndjambi, we tu rora;
we tu zuzura otja osilveri tji i zuzurwa.
11 Ove we tu hitisa mombate,
nu wa twako omitwaro omizeu
komatambo wetu.
12 Nu wa yandjera ovanavita na eṱe
ve tu susuparise;
eṱe twa yata momuriro na momeva,
nungwari ove we tu eta kouyara.
13 Ami me eta oviyambo
vyozombunguhiro ozoningiririsiwa
kondjuwo yoye;
me yenenisa omakwizikiro wandje
14 ngu mba tjere me tjiti,
tji mba ri mombamisiro.
15 Ami me punguha ozonḓu kotjipunguhiro
ze rire ozombunguhiro ozoningiririsiwa;
me punguha ozondwezu
zozongombe nozozongombo,
nomuise mau rondo nga keyuru.
16 Indjeye mu puratene,
eṋe amuhe mbu mu nondira ku Ndjambi,
nami me mu serekarerere imbi eye
mbya tjita ku ami.
17 Ami mba kwa ombatero ku ye,
ne mu tanga nomaimburiro.
18 Andakuzu mbe ripura nouvi momutima wandje,
Muhona ketje ndji zuvira.
19 Nungwari Ndjambi, tjiri, we ndji zuvira;
eye wa puratena kongumbiro yandje.
20 Ndjambi nga tangwe ngu hi na
indu wa tondere ongumbiro yandje,
nu ngu hi na wa isire ko otjari tje ku ami.
(A song and a psalm for the music leader.)
Shout Praises to God
1 Tell everyone on this earth
to shout praises to God!
2 Sing about his glorious name.
Honor him with praises.
3 Say to God, “Everything you do
is fearsome,
and your mighty power makes
your enemies come crawling.
4 You are worshiped by everyone!
We all sing praises to you.”
5 Come and see the fearsome things
our God has done!
6 When God made the sea dry up,
our people walked across,
and because of him,
we celebrated there.
7 His mighty power rules forever,
and nothing the nations do
can be hidden from him.
So don't turn against God.
8 All of you people,
come praise our God!
Let his praises be heard.
9 God protects us from death
and keeps us steady.
10 Our God, you tested us,
just as silver is tested.
11 You trapped us in a net
and gave us heavy burdens.
12 You sent war chariots
to crush our skulls.
We traveled through fire
and through floods,
but you brought us
to a land of plenty.
13 I will bring sacrifices
into your house, my God,
and I will do what I promised
14 when I was in trouble.
15 I will sacrifice my best sheep
and offer bulls and goats
on your altar.
16 All who worship God,
come here and listen;
I will tell you everything
God has done for me.
17 I prayed to the Lord,
and I praised him.
18 If my thoughts had been sinful,
he would have refused
to hear me.
19 But God did listen
and answered my prayer.
20 Let's praise God!
He listened when I prayed,
and he is always kind.
