Ewe enamuinyo notjiwaṋa otjiyapuke
1 Punao, iseye ouvi ngamwa auhe; nu iseye ovineya notjavivi neruru nomambo ngamwa aehe wondjambu. 2 Otja ounatje ounyame punga au zera omaihi eṋe wina opunga amwa sokuzera omaihi omakohoke wembo ra Ndjambi, kokutja mokuyenwa eṋe mu kure mondjamo yeṋu. 3 Nomatjangwa maye tja: “Eṋe mwe rimunina oveni kutja Muhona omuwa.”
4 Indjeye ku Muhona ngu ri ewe romuinyo nda imbirahiwa i ovandu nu Ndjambi nda toorora ne ri vara otja enanḓengu tjinene. 5 Riyandjereye oveni otja omawe omanamuinyo omatunge wondjuwo yOmbepo ya Ndjambi, eṋe mu mamu karere otja ovapristeri ovayapuke okupunguhira Ndjambi ozombunguhiro nḓe tjata ku ye mu Jesus Kristus. 6 Orondu omatjangwa maye tja:
“Ami mba toorora ewe enanḓengu,
ndi me ziki mOsion okurira ewe ehuze.
Nu ngu ma kambura mu ro, eye kamaa ṱisiwa ohoṋi.”
7 Ku eṋe mba mbu mu kambura ewe ndi oro enanḓengu tjinene. Nungwari ku imba mbe ha kambura pe ri nai:
“Indi ewe nda imbirahiwa i ovatunge
onda karira ewe enanḓengu tjinene pu aehe.”
8 Nomatjangwa omakwao maye tja:
“Ewe ndi mari putarisa ovandu,
nondi ri oruuwa ndu maru wisa ovandu.”
Owo mave putara tjinga ave ha ri nonḓuviro ku indi embo. Nombango ya Ndjambi ku wo otji ya ri nao wina.
9 Nungwari oweṋe omuhoko omutoororwa, ovapristeri wOmbara, otjiwaṋa otjiyapuke. Ndjambi we mu toororera okurira otjiwaṋa tje kokutja mu zuvarise imbi ovitjitwa ovihimise vya Ndjambi. Eye we mu isa monḓorera ne mu twa mondjerera ye ohimise. 10 Eṋe rukuru kamwa ri otjiwaṋa tja Ndjambi, nungwari nambano oweṋe otjiwaṋa tje. Eṋe rukuru kaamu tjiwa otjari tja Ndjambi, nungwari eṋe nambano otjari tje mwa pewa.
Ritjindeye nawa aruhe
11 Vakwetu, oweṋe ovandu wozonganda novayenda mouye mbwi. Opu me zu okuriyarikaṋa ku eṋe kutja mu ritjaere kozonḓuma zonyama aruhe nḓe novita nomuinyo. 12 Kareye notjikaro otjiwa mokati kaimba mbe ha tjiwa Ndjambi, kokutja owo tji mave mu kuminine kutja oweṋe ovatjite vourunde, ve mune oviungura vyeṋu oviwa, nu ve yozike Ndjambi meyuva eye ndi meya okuyekupangura ovandu.
13 Motjimbe tja Muhona riwiseye kehi youvara auhe wovandu, okutja okehi yombara yokombanda, ndji nouvara ounenenene, 14 na kehi yozongooneya, mba toororwa i yo okuvera ovatjite vourunde nokutanga imba mbe tjita ouwa. 15 Orondu Ndjambi u vanga kutja mu mwinise noviṋa vyeṋu oviwa mbi mu tjita inga omahungiriro omehinazondunge wovandu omayova. 16 Eṋe oweṋe ovakuturwa, nungwari indji onguturiro yeṋu ngaamu vandeke na yo ouvi ngamwa auhe. Nungwari nonguturiro ndji karereye Ndjambi. 17 Yozikeye ovandu avehe, nu mu suvere ovanangamburiro ovakweṋu! Kareye nondira ku Ndjambi, nu mu tate ombara yokombanda!
Kristus otjihorera tjaimba mbe tatumisiwa
18 Eṋe vakarere, riwiseye kehi yovahona veṋu, nu mu kare nondira onene ku wo nandarire kutja ve nomitima omiwa nozongozu poo ovakukutu. 19 Ndjambi otjiṋa hi me mu serere po ondaya, tji mamu tjindi omihihamo vyondatumisire amu hi nondjo, tjinga amamu vanga okukara nouṱakame ku Ndjambi. 20 Orondu pe nondangu yatjike tji mamu zara omatoneneo mena rokutja mwa tjita ouhasemba? Nungwari tji mamu zara omihihamo mena rokutja mwa tjiti ouwa, Ndjambi me mu sere ondaya. 21 Eṋe wina, tjiri, mwa isanenwa otjiṋa hi i Ndjambi, Kristus omuini tjinga a hihamisirwa eṋe, nu tjinga e mu pa otjihorera kokutja eṋe mu yate mozondambo ze. 22 Neye kwa za nai: “Eye ka tjitire ourunde, nu kape nomundu ngwe mu zuvire ama hungire ovineya.” 23 Neye tja yambururwa ka zirire ko nembo rondjambu; nu tja hihamisiwa ka tandere ko, nungwari wa undjire ku Ndjambi, ingwi omupangure omusemba. 24 Kristus omuini wa tjinda ourunde wetu morutu rwe kotjikoroise, kokutja tu ṱire ourunde nu tu kare nomuinyo kousemba. “Neṋe mwa verukisiwa i omazeze we.” 25 Neṋe mwa ri otja ozonḓu nḓa pandjara; nungwari nambano eṋe mwa kotorwa kOmurise weṋu na kOmutjevere wominyo vyeṋu.
A Living Stone and a Holy Nation
1 Stop being hateful! Quit trying to fool people, and start being sincere. Don't be jealous or say cruel things about others. 2 Be like newborn babies who are thirsty for the pure spiritual milk that will help you grow and be saved. 3 You have already found out how good the Lord really is.
4 Come to Jesus Christ. He is the living stone people have rejected, but which God has chosen and highly honored. 5 And now you are living stones being used to build a spiritual house. You are also a group of holy priests, and with the help of Jesus Christ you will offer sacrifices that please God. 6 It is just as God says in the Scriptures,
“Look! I am placing in Zion
a choice and precious
cornerstone.
No one who has faith
in this one
will be disappointed.”
7 You are followers of the Lord, and this stone is precious to you. But it isn't precious to those who refuse to follow him. They are the builders who tossed aside the stone that turned out to be the most important one of all. 8 They disobeyed the message and stumbled and fell over this stone, because they were doomed.
9 But you are God's chosen and special people. You are a group of royal priests and a holy nation. God has brought you out of darkness into his marvelous light. Now you must tell all the wonderful things he has done. The Scriptures say,
10 “Once you were nobody.
Now you are God's people.
At one time no one
had mercy on you.
Now God has treated you
with kindness.”
Live as God's Servants Should
11 Dear friends, you are foreigners and strangers on this earth. So I beg you not to surrender to those desires that fight against you. 12 Always let others see you behaving properly, even though they may still accuse you of doing wrong. Then on the day of judgment, they will honor God by telling the good things they saw you do.
13 The Lord wants you to obey all human authorities, especially the Emperor, who rules over everyone. 14 You must also obey governors, because they are sent by the Emperor to punish criminals and to praise good citizens. 15 God wants you to silence stupid and ignorant people by doing right. 16 You are free, but still you are God's servants, and you must not use your freedom as an excuse for doing wrong. 17 Respect everyone and show special love for God's people. Honor God and respect the Emperor.
The Example of Christ's Suffering
18 Servants, you must obey your masters and always show respect to them. Do this, not only to those who are kind and thoughtful, but also to those who are cruel. 19 God will bless you, even if others treat you unfairly for being loyal to him. 20 You don't gain anything by being punished for some wrong you have done. But God will bless you, if you have to suffer for doing something good. 21 After all, God chose you to suffer as you follow in the footsteps of Christ, who set an example by suffering for you.
22 Christ did not sin
or ever tell a lie.
23 Although he was abused,
he never tried to get even.
And when he suffered,
he made no threats.
Instead, he had faith in God,
who judges fairly.
24 Christ carried the burden
of our sins.
He was nailed to the cross,
so we would stop sinning
and start living right.
By his cuts and bruises
you are healed.
25 You had wandered away
like sheep.
Now you have returned
to the one
who is your shepherd
and protector.
