1 Okuza ku Jakobus, omukarere wa Ndjambi nowa Muhona Jesus Kristus: Ozombinika kotjiwaṋa tja Ndjambi atjihe tji tja rimbara mouye auhe.
Ongamburiro nounongo
2 Vakwetu, rivareye ovaṋingandu omarorero aehe tji maye mu wire momihingo pekepeke, 3 orondu eṋe mamu tjiwa kutja ongamburiro yeṋu tji ya toṋa momarorero nga, mai mu pe onḓaro orure. 4 Nonḓaro orure ndji ngai mu tjinde aruhe nokuhinokuisa, kokutja mu rire ovasore novehinatjipo nu mu yenene moviṋa avihe. 5 Nu mokati keṋu tji pena ngu ma hepa ounongo, nga kumbe ku Ndjambi, neye me mu pe, Ndjambi tjinga e yandja nouharupu notjari ku avehe. 6 Nungwari nga kumbe e nongamburiro nu e hi nakuivaiva kaparukaze. Ingwi ngu ivaiva wa sana nongazona yokuvare ndji hingwa i ombepo okuyenda nokukotoka. 7-8 Nomundu ngwa sana ngo, aruhe ngu ivaiva, nu ngu ha zikamisa omeripura we mu avihe mbi ma tjiti, ngaa tjangovasi ma pewa otjiṋa i Muhona.
Ousyona noutumbe
9 Omukambure omusyona u sokunyanda Ndjambi tji me mu tongamisa, 10 nomukambure omutumbe u sokunyanda Ndjambi tji me mu susuparisa, omutumbe tjinga ama yanda otja ongara yehozu. 11 Neyuva tji ra piti noupyu waro ounene mari nyosa indi ehozu. Nongara yehozu mai pukumukire pehi, nouwa wayo au zunḓaka. Momuhingo tjingewo omutumbe otjinga ama zengi movitjitwa vye avihe.
Omarorero nomapopero
12 Omuṋingandu omundu ngu zara omarorero, orondu tja toṋa momarorero nga, eye otja ondjambi ye ma pewa omuinyo Ndjambi mbwa kwizikira imba mbe mu suvera. 13 Omundu ngu ri momarorero nga a ha tja: “Omarorero nga maye zu ku Ndjambi.” Orondu Ndjambi ka rorerwa kouvi, neye omuini ka roro omundu. 14 Nungwari omundu auhe u rorwa okutjita ourunde i ozonḓuma ze zouvi. 15 Nozonḓuma ze zouvi tji ze urisiwa ze kwata ourunde, nourunde tji wa yenenisiwa u kwata onḓiro.
16 Amu pukisiwa, vakwetu vandje ovasuverwa! 17 Otjiyandjewa atjihe otjiwa, notjipewa atjihe otjipwe, vi za keyuru. Ovyo vi za kombanda ku Ndjambi ngwa mema ovimunine vyeyuru, ngu ha runduruka nu ngu ha tjiti onḓorera momerivingururiro. 18 Nu tjinga a ri ombango ye, Ndjambi we tu kwata nembo re rouatjiri, kokutja tu rire ovatenga moviutwa vye avihe.
Okuzuva nokutjita
19 Zemburukeye otjiṋa hi, vakwetu vandje ovasuverwa! Omundu auhe nga hakahane okupuratena, nungwari nga wombe okuhungira nu nga wombe okutoora omazenge. 20 Omundu ngu ṱomazenge ka tjiti ovisemba komurungu wa Ndjambi. 21 Otji mamu sokunakaura ovikaro avihe vyondova nomeritjindiro aehe wourunde. Risusupariseye komurungu wa Ndjambi, nu mu yakure embo ndi nda kunwa momitima vyeṋu, orondu embo ndi ondi mari mu yama.
22 Amu riwovisa oveni mokupuratena ku indi embo uriri, nungwari rireye ovayenenise vaindi embo. 23 Ingwi ngu puratena kembo na ha yenenisa ro wa sana nomundu ngu tara motjiritarero ne rimunu omuini otja tjinga e ri. 24 Nu tja zu nokuritara ma zu po, nu tjimanga a zembi kutja aa munika vi. 25 Nungwari ingwi ngu ma tara nawa metwako epwe ra Ndjambi ndi kutura ovandu, nu ngu panḓera po, nu ngu ha puratene uriri, tjazumba a zembi rukwao, nungwari ngu yenenisa ro, omundu ngwi ma serwa ondaya i Ndjambi mu avihe mbi ma tjiti.
26 Omundu tji ma tjangovasi u karera Ndjambi nu a ha tjaere eraka re, nungwari otjiungura tje tjongamburiro opouriri, neye me riwovisa omuini. 27 Ihi Ndjambi Tate tje vara kutja otjikohoke notjipwe komurungu we, otjo hi: Okukarakonatja nozosewa novahepundu mouzeu wawo, nokuritjevera kouye mbwa zunḓaka kutja auhekuzunḓa.
1 From James, a servant of God and of our Lord Jesus Christ.
Greetings to the twelve tribes scattered all over the world.
Faith and Wisdom
2 My friends, be glad, even if you have a lot of trouble. 3 You know you learn to endure by having your faith tested. 4 But you must learn to endure everything, so you will be completely mature and not lacking in anything.
5 If any of you need wisdom, you should ask God, and it will be given to you. God is generous and won't correct you for asking. 6 But when you ask for something, you must have faith and not doubt. Anyone who doubts is like an ocean wave tossed around in a storm. 7-8 If you are that kind of person, you can't make up your mind, and you surely can't be trusted. So don't expect the Lord to give you anything at all.
Poor People and Rich People
9 Any of God's people who are poor should be glad he thinks so highly of them. 10 But any who are rich should be glad when God makes them humble. Rich people will disappear like wild flowers 11 scorched by the burning heat of the sun. The flowers lose their blossoms, and their beauty is destroyed. This is how the rich will disappear, as they go about their business.
Trials and Temptations
12 God will bless you, if you don't give up when your faith is being tested. He will reward you with a glorious life, just as he rewards everyone who loves him.
13 Don't blame God when you are tempted! God cannot be tempted by evil, and he doesn't use evil to tempt others. 14 We are tempted by our own desires that drag us off and trap us. 15 Our desires make us sin, and when sin is finished with us, it leaves us dead.
16 Don't be fooled, my dear friends. 17 Every good and perfect gift comes down from the Father who created all the lights in the heavens. He is always the same and never makes dark shadows by changing. 18 He wanted us to be his own special people, and so he sent the true message to give us new birth.
Hearing and Obeying
19 My dear friends, you should be quick to listen and slow to speak or to get angry. 20 If you are angry, you cannot do any of the good things God wants done. 21 You must stop doing anything immoral or evil. Instead be humble and accept the message planted in you to save you.
22 Obey God's message! Don't fool yourselves by just listening to it. 23 If you hear the message and don't obey it, you are like people who stare at themselves in a mirror 24 and forget what they look like as soon as they leave. 25 But you must never stop looking at the perfect law that sets you free. God will bless you in everything you do, if you listen and obey, and don't just hear and forget.
26 If you think you are being religious, but can't control your tongue, you are fooling yourself, and your religion is useless. 27 Religion that pleases God the Father must be pure and spotless. You must help needy orphans and widows and not let this world make you evil.